ధర్మేంద్ర లిప్లాక్..హేమామాలిని రియాక్షన్ ఇదే
X
బాలీవుడ్ స్టార్ హీరో రణ్వీర్ సింగ్ , క్రేజీ హీరోయిన్ అలియా భట్ ప్రధాన పాత్రల్లో నటించిన సినిమా ‘రాకీ ఔర్ రాణీ కి ప్రేమ్ కహానీ’. ఈ మధ్యనే బాక్సాఫీస్లో ఈ మూవీ విడుదలైంది. బాలీవుడ్ స్టార్ డైరెక్టర్ కరణ్ జోహార్ డైరెక్ట్ చేసిన ఈ మూవీ విడుదలై సక్సెస్ను సొంతం చేసుకుంది. అయితే, ఈ మూవీలోని కొన్ని సీన్స్ ఇప్పుడు సోషల్ మీడియాల్లో హాట్ టాపిక్గా మారాయి. సీనియర్ నటుడు ధర్మేద్రం, షబానా అజ్మీల లిప్లాప్ పైనే అందరూ చర్చించుకుంటున్నారు. 87 ఏళ్ల వయసులో ఇలాంటి సీన్స్ అవసరమా అంటే నెటిజన్స్ ధర్మేంద్రను ట్రోల్ చేస్తున్నారు. తాజాగా ఈ ముద్దు సీన్పై ధర్మేంద్ర భార్య హేమమాలిని రియాక్ట్అయ్యారు.
కిస్సింగ్ సీన్పై హేమమాలిని మాట్లాడుతూ. "నేను ఇప్పటి వరకు ఈ మూవీ చూడలేదు. ఈ సినిమా సక్సెస్ సాధించినందుకు చాలా సంతోషంగా ఉంది. ధర్మేంద్ర విషయంలోనూ నేను చాలా హ్యాపీగా ఉన్నాను. ఆయన ఆన్ స్క్రీన్లో ఎప్పుడూ యాక్టివ్గానే ఉంటారు. కెమెరా ముందు ఆయన ఉత్సాహంగా కనిపిస్తారు. ఎందుకంటే ఆయన సినిమాను ఎంతగానో ప్రేమిస్తారు" అని చెప్పుకొచ్చింది హేమామాలిని.
ఇక లిప్లాక్ సీన్లో నటించిన షబానా అజ్మీ మాట్లాడుతూ..‘‘ స్ట్రాంగెస్ట్ విమెన్ లైఫ్లో రొమాన్స్ ఉండకూడదా? ఈ సినిమా రిలీజ్ అయినప్పటి నుంచి నాకు విపరీతమైన ఫోన్లు, మెసేజ్లు వస్తున్నాయి. డైరెక్టర్ కరణ్ జోహర్ ఎంతో రిస్క్ చేసి మరీ ఈ సీన్ పెట్టారు. ఈ మూవీకి వచ్చే క్రెడిట్స్ అన్నీ కూడా ఆయనకే చెందుతాయి’’ అని ఆమె తెలిపారు.