Hi Nanna Teaser : ప్లెజెంట్ గా హాయ్ నాన్న టీజర్

నేచురల్ స్టార్ నాని లేటెస్ట్ మూవీ హాయ్ నాన్న. శౌర్యు అనే కొత్త దర్శకుడు రూపొందిస్తోన్న ఈ మూవీలో మృణాల్ ఠాకూర్ హీరోయిన్ గా నటిచింది. బేబీ కియారా కీలక పాత్రలో కనిపించబోతోంది. ఈ సినిమాపై ముందు నుంచీ పాజిటివ్ బజ్ ఉంది. ఆ బజ్ ను రెట్టింపు చేస్తూ.. ఇప్పటికే వచ్చిన రెండు పాటలూ చార్ట్ బస్టర్ అయ్యాయి.ఆల్రెడీ ఈ మూవీ స్టార్టింగ్ టైమ్ లోనే ఒక గ్లింప్స్ వదిలారు. అదీ ఆకట్టుకుంది. లేటెస్ట్ గా హాయ్ నాన్న టీజర్ వచ్చింది.

హాయ్ నాన్న టీజర్ ఇంప్రెసివ్ గా ఉంది. ఓ ఏడెనిమిదేళ్ల పాపకు తండ్రిలా కనిపిస్తున్నాడు నాని. ఆ పాపకు తల్లి ఎవరు అనేది టీజర్ లో చెప్పలేదు. అలాంటి వ్యక్తితో ప్రేమలో పడుతుందో అమ్మాయి. ఆ ప్రేమను అంగీకరించలేడు నాని. ఆమెకు పెళ్లి కుదురుతుంది. అయిన ఇతన్నే కావాలని చెబుతుంది. అప్పుడు వచ్చే డైలాగ్ నాని వ్యక్తిత్వాన్ని చూపుతూ.. ఆమె ప్రేమను ఎలివేట్ చేస్తుంది. ఇక ఈ టీజర్ లో కనిపించిన మరో విశేషం ఏంటంటే.. టీజర్ లోనే మూడు లిప్ లాక్ లు ఉన్నాయి. బట్ అవేవీ ఎరోటిక్ గా కాక ఇంటెన్స్ గా కనిపిస్తున్నాయి. మొత్తంగా తండ్రి కూతుళ్ల మధ్య బాండింగ్, ప్రేమలో ఉండే కాన్ ఫ్లిక్ట్ కలిసి ఉన్న సినిమాలా కనిపిస్తోంది. ఇక ప్రధానమైన ప్రశ్న.. ఆ పాపకు తల్లి ఎవరు అనేది. అది ఎలాగూ సినిమాలోనే ఉంటుంది .. కాబట్టి ట్రైలర్ వరకూ ఎదురు చూడాలి. లేదంటే సినిమాలోనే చూడాలి.

ఇక మూవీ రిలీజ్ డేట్ మాత్రం ప్రకటించలేదు. మొదట డిసెంబర్ 21న అనుకున్నారు. సలార్ వల్ల వీళ్లూ తప్పుకోవాల్సి వచ్చింది.చాలామంది డిసెంబర్ 7 లేదా 8న వస్తుందనుకున్నారు. కానీ వీళ్లు ఆ విషయం తేల్చలేదు. జస్ట్ డిసెంబర్ రిలీజ్ అని మాత్రం అన్నారు.