Hyderabad Rave Party : హైదరాబాద్ శివారులో రేవ్ పార్టీ.. పట్టుబడ్డ సినీ ప్రముఖులు

హైదరాబాద్ శివార్లలో రేవ్ పార్టీని భగ్నం చేశారు పోలీసులు. ఇబ్రహీంపట్నంలో ఫామ్‌హౌజ్‌పై దాడులు నిర్వహించిన పోలీసులు.. 11 మంది సినీ, రాజకీయ ప్రముఖుల పిల్లలను పోలీసుల అదుపులో తీసుకున్నారు. బిగ్‌బాస్ ఫేమ్ హిమజ ఆధ్వర్యంలో ఈ రేవ్ పార్టీ జరిగినట్లు సమాచారం. బర్త్ డే పార్టీ పేరుతో ఫామ్ హౌస్ లో రచ్చ రచ్చ చేసినట్లు పోలీసులు చెబుతున్నారు. ఈ పార్టీలో పాల్గొన్న పలువురు సినీ ప్రముఖులు, బిగ్ బాస్ స్టార్లు న్యూసెన్స్ క్రియేట్ చేశారని కేసు నమోదు చేశారు. బర్త్ డే పార్టీలో విచ్చల విడిగా మద్యం తాగుతూ.. అసభ్య చేష్టలకు పాల్పడ్డారన్న ఆరోపణలు వినిపిస్తున్నాయి. ఈ పార్టీలో దొరికిన 15 లీటర్ల లిక్కర్ ను పోలీసులు సీజ్ చేశారు.

ఈ మధ్యకాలంలో హైదరాబాద్ నగరంలో రేవ్ పార్టీలంటూ ఇలాంటి పిచ్చి చేష్టలకు పాల్పడుతున్నారు కొందరు ప్రముఖులు. మూడు నెలల క్రితం హైదరాబాద్ నగర శివారు ప్రాంతమైన మాదాపూర్‌లో సైతం ఓ రేవ్ పార్టీ జరిగిది. ఆ పార్టీలో కూడా పలువురు సినీ ప్రముఖులతో పాటు ధనవంతుల పిల్లలను కూడా అదుపులోకి తీసుకున్నారు. అదుపులోకి తీసుకున్న వారిలో ఓ సినీ నిర్మాతతో పాటు ఇండస్ట్రీకి చెందిన యువతులు ఉన్నారన్న వార్తలు వచ్చాయి. అయితే ప్రస్తుతం రేవ్ పార్టీ అంశం ఇటు రాజకీయాల్లోనూ, సినీ ఇండస్ట్రీలోనూ చర్చనీయాంశంగా మారింది. ఓ రాజకీయ పార్టీకి ప్రచారం చేస్తున్న సినీ ప్రముఖులు కూడా ఈ రేవ్ పార్టీలో దొరికినట్లు వార్తలు వస్తున్నాయి. ఇందుకు సంబంధించిన పూర్తి వివరాలు తెలియాల్సి ఉంది.