సోషల్ మీడియా షేక్..బన్నీ మరో రికార్డ్
సోషల్ మీడియాలో ఐకానిక్ స్టార్ అల్లు అర్జున్కు ఏ రేంజ్లో ఫాలోయింగ్ ఉంటుందో అందరికి తెలిసిందే. పుష్ప సినిమాతో ఇంటర్నేషనల్ లెవెల్లో అభిమానులను సొంతం చేసుకున్నాడు బన్నీ . ఇప్పటికే నెట్టింట్లో అల్లు అర్జున్ను కోట్లమంది ఫాలో అవుతున్నారు. తాజాగా బన్నీ సోషల్ మీడియాలో మరో రికార్డు క్రియేట్ చేశాడు. ఎక్కడైనా నీ అవ్వ తగ్గేదేలే అని నిరూపించాడు.
ట్విటర్‌తో పోటీ పడేందుకు ఈ మధ్యనే జుకర్ బర్గ్ కొత్తగా థ్రెడ్స్ అనే యాప్‌ను అందుబాటులోకి తీసుకువచ్చారు. ఈ యాప్‌లోనే అల్లు అర్జున్ లేటెస్టుగా ఏ భారతీయుడు చేయలేని రికార్డును సృష్టించాడు . అత్యంత తక్కువ సమయంలో వన్‌ మిలియన్‌ ఫాలోవర్స్‌ను సొంతం చేసుకుని థ్రెడ్స్ లోనూ తన సత్తా చూపించాడు బన్నీ. దీంతో బన్నీ ఫ్యాన్స్ క్రేజీ కామెంట్స్‌ షేర్ చేస్తున్నారు. కలెక్షన్స్లోనే కాదు సోషల్ మీడియాలోనూ.. ‘ఎక్కడైనా తగ్గేదేలే’ అంటూ కామెంట్లు పెడుతున్నారు.
ప్రస్తుతం అల్లు అర్జున్ ‘పుష్ప: ది రూల్‌’ లో నటిస్తున్నాడు. ఈ సినిమా షూటింగ్ కూడా శరవేగంగా చిత్రీకరణ జరుగుతోంది. సుకుమార్‌ డైరెక్షన్లో వస్తున్న ఈ మూవీపై బన్నీ ఫ్యాన్స్ భారీ అంచనాలను పెట్టుకున్నారు. ఈ మధ్యనే ఓ ఈవెంట్లో అల్లు అర్జున్ పుష్ప2లోని డైలాగ్‌ను లీక్ చేసి సినిమాపై హైప్ తీసుకువచ్చారు. మరి ఈ సినిమా ఎలాంటి హిస్టరీని క్రియేట్ చేస్తుందో వేచి చూడాల్సిందే.
