ఒకే ఒక్క పోస్టర్..పుష్ప-2 స్టోరీ మొత్తం లీక్..
సుకుమార్ డైరెక్షన్లో మైత్రీ మూవీ మేకర్స్ నిర్మాణంలో వచ్చిన 'పుష్ప' ది రైజ్ మూవీ ఐకాన్ స్టార్ అల్లు అర్జున్‌ని పాన్ ఇండియా స్టార్‌గా మార్చేసింది . రూ.300 కోట్ల‌కు పైగా గ్రాస్ వసూళ్లను రాబట్టి బన్నీ పవర్ను అమాంతం పెంచేసింది. టాలీవుడ్ సహా ఇత‌ర ద‌క్షిణాది చిత్ర ప‌రిశ్ర‌మ‌ల్లో బన్నీ సినిమా భారీ వసూళ్లను రాబట్టింది. బాలీవుడ్‌ సైతం బన్నీ యాక్టింగ్కు ఫిదా అయ్యింది. ఎవ‌రూ ఊహించ‌ని రేంజ్‌లో ఈ సినిమా స‌క్సెస్‌ను సొంతం చేసుకుంది. దీంతో ఇప్పుడు అందరి దృష్టి 'పుష్ప 2' పై పడింది. వచ్చే ఏడాది ఆగస్టు 15న సినిమాను రిలీజ్ చేయబోతున్నట్లు మేకర్స్ తాజాగా ఓ పోస్టర్ను విడుదల చేశారు. దీంతో బన్నీ ఫ్యాన్స్లో ఉత్సాహం రెట్టింపైంది. సినిమా విడుదల కోసం ఆసక్తిగా ఎదురుచూస్తున్నారు. ఇదిలా ఉంటే తాజాగా మేకర్స్ విడుదల చేసిన పోస్టర్లో పుష్ప-2 స్టోరీ మొత్తం లీక్ అయినట్లు టాక్ వినిపిస్తోంది.
పుష్ప తొలి భాగంలో ఎర్ర చందనం కూలిగా పుష్పరాజ్ కనిపించాడు. తన తెలివితేటలు, ధైర్యంతో సిండికేట్‌కు బాస్‌గా ఎలా ఎదిగాడ‌ు అనేది డైరెక్టర్ సుకుమార్ చూపించాడు. ఇక సీక్వెల్లో ఐపీఎస్ ఆఫీస‌ర్ బైరాం సింగ్ షెకావ‌త్‌కి, పుష్పరాజ్‌కి మధ్య వచ్చిన ఈగో కారణంగా వారిద్దరి మధ్య గొడ‌వ‌లు ఎంత వరకు వెళ్లాయి. దాని వ‌ల్ల ఎవ‌రికి ఏమైంద‌నేది డైరెక్టర్ చూపించ‌బోతున్నట్లు టాక్ వినిపిస్తుంది. ఈ క్రమంలో తాజాగా చిత్ర యూనిట్ పుష్ప 2 రిలీజ్ డేట్తో పాటు ఓ పోస్టర్ ని విడుదల చేశారు. ఆపోస్టర్లో అందరినీ ఒక అంశం ఆకట్టుకుంటుంది. ఈ పోస్టర్ మొత్తం ఆకట్టునేలా ఉన్నా ..పుష్ప రాజ్ చివరి వేలుకు గులాబీ రంగు నెయిల్ పాలిష్ ఉండటం అందరి దృష్టిని ఆకర్షిస్తుంది. పోస్టర్లో బన్నీ మిగతా వేళ్లు నార్మల్గా ఉన్నాయి. చిటికెన వేలు గోరు పొడవుగా ఉండటం దానికి రంగు వేసి ఉండటంతో ఇప్పుడు ఇదే హైలైట్గా అయ్యింది. దీని వెనుక అసలు కథ మొత్తం దాగి ఉందని సమాచారం.
చేతిలోని చివరి గోరు పొడవుగా ఉండటం చిత్తూరులోని కొన్ని ప్రాంతాల సంస్కృతి అంటున్నారు. విభిన్న రంగాల్లో ఆధిపత్యం వహించే వారి చేతిపై పొడవాటి గోరు ఉంటుందని సమాచారం. ఈ గోరును ఇలా పెంచడాన్ని సంపదగా భావిస్తారట. ఉన్నత సామాజిక స్థితిని ఈ ఒక్క గోరే సూచిస్తుంది అని టాక్ . అలాగే కూలీగా సామాన్య జీవితం గడిపిన వ్యక్తి గొప్ప వ్యక్తిగా ఎదిగిన తీరుకి ఇది చిహ్నమని చెబుతున్నారు..చిత్తూరు జిల్లాలో ఈ సంస్కృతి ఉన్నట్టు నెటిజెన్స్ కొందరు కామెంట్స్ చేస్తున్నారు . ఈ వేలి గోరు ఇప్పుడు సోషల్ మీడియాలో సంచలనం సృష్టిస్తోంది. సుకుమార్ ఇంత చిన్న విషయాలపై కూడా శ్రద్ధ చూపడాన్ని నెటిజన్స్ మెచ్చుకుంటున్నారు. పుష్ప -2 ఖచ్చితంగా బ్లాక్ బస్టర్ హిట్ అవుతుందని అంటున్నారు. ఇక ఈ చిత్రంలో అల్లు అర్జున్ సరసన రష్మిక నటిస్తుంది .. ఫహద్ ఫాసిల్, అనసూయ, సునీల్ వంటి వారు కీలక పాత్రల్లో నటిస్తున్నారు. ఇక మ్యూజిక్ డైరెక్టర్ దేవి శ్రీ ప్రసాద్ మొదటి భాగానికి మించి సంగీతాన్ని అందిస్తున్నారు. మరి పుష్ప 2 సినిమా ఎలాంటి ఫలితాన్ని ఇస్తుందో తెలియాలంటే 2024 వరకు ఎదురుచూడాల్సిందే.
