మంచు విష్ణుకు అల్లు అర్జున్ థాంక్స్..ఎందుకంటే..?
టాలీవుడ్ ఐకానిక్ స్టార్ అల్లు అర్జున్కు ఈ మధ్యనే కేంద్ర ప్రభుత్వం ప్రెస్టీజియస్ నేషనల్ బెస్ట్ యాక్టర్ అవార్డును ప్రకటించింది. టాలీవుడ్ నుంచి బెస్ట్ యాక్టర్ పురస్కారాన్ని అందుకోబోతున్న మొదటి హీరోగా బన్నీ హిస్టరీని సృష్టించాడు.దీంతో తెలుగు చిత్ర పరిశ్రమకు చెందిన సెలబ్రిటీలు, స్టార్స్ ,నిర్మాతలు, దర్శకులు దేశవ్యాప్తంగా ఉన్న ఫ్యాన్స్ బన్నీకి అభినందనలు తెలిపారు.
పుష్ప సినిమాలోని పుష్పరాజ్ క్యారెక్టర్తో అప్పటి వరకు స్టైలిష్ స్టార్గా ఉన్న బన్నీ కాస్తా ఐకానిక్ స్టార్గా క్రేజ్ సంపాదించుకున్నాడు. ఆ సినిమాలో బన్నీ ఇచ్చిన పవర్ఫుల్ పెర్ఫార్మెన్స్కే బెస్ట్ యాక్టర్ అవార్డును అందుకున్నాడు.
తాజాగా మా అసోసియేషన్ ప్రెసిడెంట్ మంచు విష్ణు కూడా బన్నీకి అభినందనలు తెలిపారు. ఓ లేఖను మా అసోసియేషన్ తరఫున విడుదల చేసి అల్లు అర్జున్ను ప్రశంసలతో ముంచేశాడు. తాజాగా ఈ లేఖపై బన్నీ కూడా స్పందించాడు. "మూవీ ఆర్టిస్ట్ అసోసియేషన్ ప్రెసిడెంట్ మంచు విష్ణు గారికి ధన్యవాదాలు. ఈ అందమైన ఉత్తరానికి థ్యాంక్స్. ఈ ప్రశంసలను నన్ను ఎంతగానో టచ్ చేశాయి. నా హృదయానికి హత్తుకున్నాయి. త్వరలోనే మీతో వ్యక్తిగతంగా టచ్లోకి వస్తాను" అని బన్నీ తెలిపాడు.
I thank the Movie Artist Association & the President @iVishnuManchu garu for this beautiful letter . Touched by the warm compliment. Looking fwd to share the rest in person . Warm Regards . pic.twitter.com/xYkS9gCvoG
— Allu Arjun (@alluarjun) September 9, 2023
