భారతీయ అందగత్తెతో టైటానిక్ హీరో ప్రేమాయణం

భారతీయ అందగత్తెతో టైటానిక్ హీరో ప్రేమాయణంటైటానిక్ సినిమాతో ప్రపంచవ్యాప్తంగా అభిమానులను సొంతం చేసుకున్నాడు లియోనార్డో డికాప్రియో. ఈ పేరు ఇప్పుడు ఇంటర్నేషనల్ వైడ్‎గా బాగా వినిపిస్తోంది. అయితే అందుకు కారణం ఆయన సినిమాలు మాత్రం కాదండోయ్.. తనకంటే 20 ఏళ్లు చిన్నదైన భారతీయ అందగత్తెతో లియోనార్డో డేటింగ్ చేస్తున్నాడు అంటూ రూమర్స్ ఓ రేంజ్‎లో వైరల్ అవుతున్నాయి. తాజాగా నటుడు , ఇండియన్ మోడల్ నీలమ్ గిల్‌, ఆమె తల్లితో కలిసి డిన్నర్ డేట్‎కు వెళ్లాడు. కొద్ది సమయంలోనే, మోడల్‌తో పాటు నటుడి చిత్రాలు నెట్టింట్లో ప్రత్యక్షమై వైరల్ అయ్యాయి. దీంతో ఇద్దరి మధ్య డేటింగ్ పుకార్ల మరోసారి ఊపందుకున్నాయి.

హాలీవుడ్ స్టార్, టైటానిక్ ఫేమ్ హీరో లియోనార్డో డికాప్రియో , భారత సంతతికి చెందిన మోడల్‌తో డేటింగ్ చేస్తున్నాడన్న న్యూస్ ఇంటర్నేషనల్ వైడ్‎గా పెద్ద చర్చనీయాంశంగా మారింది. గత కొంత కాలంగా 48 ఏళ్ల వయసున్న డికాప్రియో 28 ఏళ్ల నీలమ్ గిల్‌తో డేటింగ్ చేస్తున్నట్లు పుకార్లు షికారు చేస్తున్నాయి. ఈ జంట ఇటీవల లండన్‌లోని చిల్టర్న్ ఫైర్‌హౌస్‌లో డిన్నర్ చేస్తూ కెమెరా కళ్లకు చిక్కింది. దీంతో మరోసారి వీరిద్దరి మధ్య ఏదో నడుస్తోందనే చర్చ జరుగుతోంది. ఇప్పుడిదే హాట్ టాపిక్‎గా మారింది.

నీలమ్ గిల్ భారతీయ సంతతికి చెందిన పంజాబీ మోడల్. ఇటీవల జరిగిన కేన్స్ ఫిల్మ్ ఫెస్టివల్‎లోనూ ఈ బ్యూటీ రెడ్ కార్పెట్‎పై మెరిసింది. 14 ఏళ్ల వయసులోనే మోడలింగ్ ఇండస్ట్రీలోకి ఎంట్రీ ఇచ్చింది నీలమ్. అనతికాలంలోనే మంచి గుర్తింపును పొందింది. సోషల్ సర్వీసుల్లో నీలమ్ చాలా చురుకుగా పాల్గొంటూ ఫేమస్ అయ్యింది. రీసెంట్‎గా నీలమ్ ఇండియాలోనూ సందడి చేసింది. నీతా ముఖేశ్ అంబానీ కల్చరల్ సెంటర్ ప్రారంభోత్సవ కార్యక్రమంలో స్పెషల్ అట్రాక్షన్‎గా నిలిచింది. ఇప్పుడు టైటానిక్ హీరోతో డేటింగ్ రూమర్లతో మరోసారి ఈ బ్యూటీ ఫేమస్ అయ్యింది.

డికాప్రియో గర్ల్ ఫ్రెండ్స్ లిస్ట్ చాలా పెద్దదే. 48 వయసులోనే ముగ్గురిని పెళ్లి చేసుకుని ఆ ముగ్గురికి విడాకులు కూడా ఇచ్చేశాడు. ఈయన చాలా మంది అమ్మాయిలతో డేటింగ్ కూడా చేశారు. చివరగా డికాప్రియా నటి కామిల్లాత కొన్నేళ్లు డేటింగ్ చేసి గత ఏడాదే వారి రిలేషన్‎కు బ్రేకప్ చెప్పుకున్నారు. లేటెస్టుగా తనకంటే వయసులో 20 ఏళ్లు చిన్నదైన ఇండియన్ మోడల్‏తో ప్రేమాయణాన్ని కొనసాగిస్తున్నట్లు వార్తలు వస్తున్నాయి.