Tiger NageswaraRao Movie Producer : టైగర్ నాగేశ్వరరావు నిర్మాతపై ఐటి రైడ్స్
రవితేజ హీరోగా నటించిన సినిమా టైగర్ నాగేశ్వరరావు. వంశీ డైరెక్ట్ చేసిన ఈ చిత్రాన్ని అభిషేక్ అగర్వాల్ నిర్మించాడు. (I.T Rides on Tiger NageswaraRao Movie Producer Abhishek Agarawal)అభిషేక్ ఇంతకు ముందు కశ్మీర్ ఫైల్స్, కార్తికేయ2తో ప్యాన్ ఇండియన్ రేంజ్ లో విజయాలు సాధించి ఉన్నాడు. టైగర్ నాగేశ్వరరావు ఈ నెల 20న దేశవ్యాప్తంగా విడుదల కాబోతోంది. దీంతో పాటు తెలుగు, హిందీల్లో వరుసగా సినిమాలు నిర్మిస్తున్నాడు. ఇక టైగర్ ప్రమోషన్స్ లో బిజీగా ఉన్న నిర్మాత ఆఫీస్ లపై సడెన్ గా ఐటి సోదాలు మొదలుపెట్టింది. తెలంగాణతో పాటు ఏపిలోనూ ఉన్న అభిషేక్ అగర్వాల్ ఆఫీస్ లన్నీటిపైనా ఒకేసారి సోదాలు నిర్వహిస్తున్నారు.
ఇంతకు ముందు కూడా తెలుగు సినీ నిర్మాతల ఇళ్లపై అనూహ్యంగా ఐటి దాడులు జరిగాయి. ఇలా సినిమాలు విడుదలకు ఉన్న టైమ్ లో, విడుదలైన బ్లాక్ బస్టర్ టాక్ తెచ్చుకున్న టైమ్ లో ఇన్ కమ్ టాక్స్ రైడ్స్ జరగడం సాధారణమైపోయింది. మరి అభిషేక్ పై ఏదైనా సమాచారం మేరకు ఈ దాడులు మొదలయ్యాయా లేక సాధారణంగా జరిపే సోదాలేనా అనేది చూడాలి.
