Anirudh : అనిరుధ్‌కు కళ్లు చెదిరే బహుమతి ఇచ్చిన జైలర్ నిర్మాత..
సూపర్ స్టార్ రజినీకాంత్ కథానాయకుడిగా వచ్చిన జైలర్ సినిమా బాక్సాఫీసును ఓ రేంజ్లో షేక్ చేసేస్తోంది. ఈ మూవీ విడుదలైనప్పటి నుంచి కలెక్షన్ల వర్షం కురుస్తోంది. తన సినీ కెరీర్లో రజినీకాంత్ మరే చిత్రానికి రాని ఘన విజయాన్ని జైలర్ ద్వారా సాధించారు. టాలీవుడ్, కోలీవుడ్ ఈ రెండు ఇండస్ట్రీలోనూ దుమ్ముదులిపేశారు తలైవా. టాలీవుడ్ మిల్కీ బ్యూటీ తమన్నా తన డ్యాన్స్ మూవ్స్తో యూత్కు పిచ్చెక్కించేసింది. ఇక సినిమాకు అద్భుతమైన సంగీతాన్ని సమకూర్చి తన బ్రాండ్ ఇమేజ్ను మరోసారి చూపించాడు మ్యూజిక్ డైరెక్టర్ అనిరుధ్. ఈ చిత్రం సూపర్ హిట్ కావడానికి మ్యూజిక్ కూడా ప్రధాన కారణమని చెప్పక తప్పదు.
ఈ మధ్యనే సినిమా హిట్కు కారణమైన డైరెక్టర్ నెల్సన్కు ఓ ఖరీదైన కారును బహుమతిగా ఇచ్చారు జైలర్ నిర్మాత కళానిధి మారన్. అంతే కాదు భారీ నెంబర్ ఉన్నఓ చెక్ను అందించారు. తాజాగా కళానిధి అనిరుధ్‌కు కళ్లు చెదిరే బహుమతి అందించారు. తన మ్యూజిక్తో మైమరపించిన అనిరుధ్‌కు ఓ చెక్తో పాటు కాస్ట్లీ కారును గిఫ్ట్గా ఇచ్చారు. దీంతో జైలర్ నిర్మాతది ఎంత గొప్ప మనసో అని నెటిజన్లు ఆయనను కామెంట్ల రూపంలో పొగిడేస్తున్నారు. జైలర్ సినిమా బాక్సాఫీస్లో భారీ వసూళ్లను రాబట్టింది. దీంతో చిత్రానికి వచ్చిన లాభాల్లో ఇలా మూవీ టీమ్కు షేర్ చేసే నిర్మాతలు ఇండస్ట్రీలో చాలా అరుదుగా ఉంటారని కామెంట్లు పోస్ట్ చేస్తున్నారు.
To celebrate the humongous Blockbuster #Jailer, Mr. Kalanithi Maran presented the key of a brand new Porsche car to @anirudhofficial#JailerSuccessCelebrations pic.twitter.com/lbkiRrqv7B
— Sun Pictures (@sunpictures) September 4, 2023
