JAPAN MOVIE TEASER : కార్తీ జపాన్ టీజర్ రిలీజ్

తమిళ్ హీరోల్లో చాలామందికి తెలుగులో మంచి మార్కెట్ ఉంది. మొదటి సినిమా నుంచే ఇక్కడ మార్కెట్ క్రియేట్ చేసుకున్న హీరో కార్తీ. పైగా ఫస్ట్ మూవీ నుంచే తను తెలుగులో డబ్బింగ్ చెప్పుకోవడంతో ఫ్యాన్ బేస్ కూడా ఏర్పడింది. దీంతో తన అన్ని సినిమాలను తెలుగులోనూ డబ్ చేసి రిలీజ్ చేస్తుంటారు. ఎప్పుడూ వైవిధ్యమైన కథలతో ఆకట్టుకునే కార్తీ లేటెస్ట్ మూవీ జపాన్. తాజాగా ఈ మూవీ టీజర్ విడుదలైంది.

ఒక స్టార్ హీరో సినిమా.. అది కూడా క్లాస్ తో పాటు మాస్ ను మెప్పించే హీరో.. మరి అతని సినిమా టైటిల్ ఎలా ఉంటుంది. కానీ కార్తీ మాత్రం జపాన్ అనే టైటిల్ తో రాబోతున్నాడు అంటేనే అర్థం చేసుకోవచ్చు. ఇది మరో కొత్త ప్రయత్నం అని. కొన్నాళ్ల క్రితం వచ్చిన గ్లింప్స్ తోనే ఆసక్తి పెంచిన కార్తీ టీజర్ తో అంచనాలు పెరిగేలా చేశాడు. జపాన్ అనే పేరుతో నాలుగు రాష్ట్రాల్లో దొంగతనాలు చేసిన స్మగ్లర్ పాత్రలో కార్తీ కనిపించబోతున్నాడని ఈ టీజర్ చూస్తే తెలుస్తుంది. కానీ అతను పోలీస్ లకు మాత్రం దొరకడు. అన్ని రాష్ట్రాల పోలీస్ రికార్డ్స్ లోనూ మోస్ట్ వాంటెడ్ గా ఉంటాడు. అలాంటి వాడిని పట్టుకోవడమే పోలీస్ ల పని. ఇదే పాయింట్ అయితే ఏం బావుంటుంది. మరి అతను దొంగతనాలు ఎందుకు చేస్తున్నాడు. చేసిన సొమ్మంతా విలాసాలకేనా లేక ఇంక దేనికైనా ఖర్చు చేస్తున్నాడా అనే అంశాలు టీజర్ లో చూపించలేదు. ఓవరాల్ గా చూస్తే ఈ టీజర్ కంటే గతంలో వచ్చిన గ్లింప్స్ ఎక్కువగా ఆకట్టుకుందని చెప్పొచ్చు.

కార్తీ సరసన అనూ ఇమ్మానుయేల్ నటిస్తోన్న ఈ మూవీలో మన సునీల్, విజయ్ మిల్టన్ కీలక పాత్రలు చేశారు. డ్రీమ్ వారియర్ పిక్చర్స్ బ్యానర్ పై ఎస్ఆర్ ప్రకాష్ బాబు, ఎస్.ఆర్ ప్రభు నిర్మించిన ఈ చిత్రాన్ని రాజు మురుగన్ డైరెక్ట్ చేశాడు. ఈ దీపావళి సందర్భంగా జపాన్ విడుదల కాబోతోంది.