అట్లీ నన్ను మోసం చేశాడు..ప్రియమణి
సౌత్ బ్యూటీ ప్రియమణి బహుభాషా నటి. ఇండస్ట్రీలోకి ఎంట్రీ ఇచ్చినప్పటి నుంచే ఈ భామ అందరి కళ్లల్లో పడింది. తమిళంలో వచ్చిన పరుత్తివీరన్‌ మూవీలో ప్రియమణి నటనకు అందరూ ఫిదా అయిపోయారు. మొదటి సినిమాతోనే నేషనల్ బెస్ట్ యాక్టర్గా అవార్డు గెలుచుకుంది. ఆ తర్వాత కోలీవుడ్, టాలీవుడ్లలో ఈ బామ స్టార్ హీరోల సరసన నటించే ఛాన్స్ కొట్టేసింది. బాలీవుడ్లోనూ షారుక్ ఖాన్ సినిమా చెన్నై ఎక్స్ప్రెస్ లో స్పెషల్ సాంగ్లో కనిపించి దుమ్ముదులిపేసింది. కాగా పెళ్లి తరువాత ప్రియమణి తన ఏజ్కి తగిన క్యారెక్టర్లను చూస్తూ ప్రత్యేకమైన గుర్తింపును పొందుతూ ఇండస్ట్రీలో కంటిన్యూ అవుతోంది. తాజాగా ప్రియమణి షారుక్ ఖాన్ హీరోగా నయనతార కథానాయకిగా నటించిన జవాన్ మూవీలో కీ రోల్ పోషించింది. ఈ చిత్రంలో తన క్యారెక్టర్కు సంబంధించి కొన్ని విషయాలను తాజాగా ప్రియమణి షేర్ చేసుకుంది. జవాన్‌లో ఆఫర్ అనగానే ఏదో క్యామియో పాత్ర అయి ఉంటుందని భావించానని, కానీ షారుక్ ఖాన్ టీంలో ఒకరిగా ప్రధానమైన పాత్ర అని తెలియగానే సంతోషించాని తెలిపింది.
ఓ భేటీలో ప్రియమణి మాట్లాడుతూ..." జవాన్ డైరెక్టర్ అట్లీ అని తెలియగానే ఓకే అన్నాను. ఒకసారి జూమ్‌ కాల్‌లో అట్లీ, ఆర్య నాతో మాట్లాడారు. అట్లీ తన ఫ్రెండ్ అని ఇంట్రడ్యూస్ చేసి ఆర్య వెళ్లిపోయాడు. నేను జవాన్‌లో నటిస్తున్నాను అని వార్త రాగానే ఏదో స్పెషల్ సాంగ్ అయ్యింటుందనే ప్రచారం జరిగింది. ఆ ప్రచారాన్ని నేను పెద్దగా పట్టించుకోలేదు. కానీ దర్శకుడు అట్లీ నన్ను ఓ విషయంలో మోసం చేశాడు. అప్పట్లో జవాన్ మూవీ అనౌన్స్ కాగానే తమిళ వర్షన్‌లో స్టార్ యాక్టర్ విజయ్‌ అతిథి పాత్రలో నటిస్తాడని , తెలుగు వెర్షన్‌లో జూనియర్‌ ఎన్టీఆర్‌ కనిపిస్తాడని ప్రచారం హోరెత్తింది. ఈ క్రమంలో విజయ్‌ ఈ మూవీలో నటిస్తున్నారా..? అని నేను అట్లీని అడిగాను. అవును అని అన్నాడు. నాకు విజయ్‌తో ఒక్క సీన్లో అయినా నటించే ఛాన్స్ ఇవ్వమని కోరాను. అయితే చివరి వరకూ తెలియదు అట్లీ నన్ను మోసం చేశాడని. నిజానికి ఈ మూవీలో విజయ్‌ గానీ, జూనియర్‌ ఎన్టీఆర్‌ గానీ నటించలేదు" అని ప్రియమణి చెప్పింది.
