Christmas Special: మేరి క్రీస్మస్‌.. వారం ముందే వచ్చేస్తుంది
విజయ్ సేతుపతి హీరోగా నటిస్తోన్న బాలీవుడ్ మూవీ మేరీ క్రిస్మస్. బాలీవుడ్ బ్యూటీ కత్రీనా కైఫ్ గా నటిస్తున్న ఈ సినిమా విడుదల తేదీ విషయంలో మరో కీలక అప్టేట్ ఇచ్చారు మేకర్స్. ముందుగా క్రిస్మస్ కానుకగా ఈ మూవీని డిసెంబర్ 15న రిలీజ్ చేయ‌బోతున్న‌ట్లు మూవీ టీం ప్ర‌క‌టించింది. అయితే డిసెంబర్ 15 తర్వాత.. మరో వారం రోజులకే డిసెంబర్ 22న సలార్‌తో పాటు డుంకీ సినిమా కూడా రిలీజ్ కానుండడంతో సినిమాకు థియేటర్‌లలో కోత పడుతుందని భావించింది చిత్ర యూనిట్‌. దీంతో ఓ వారం ముందుగానే రావాలని నిర్ణయం తీసుకుంది. ఇక ఈ సినిమా వారం రోజులు ముందుగా అంటే అక్టోబర్‌ 8వ డేట్‌ను లాక్‌ చేసుకుంది. ఈ సినిమాను టిప్స్‌ ఫిలింస్‌, మ్యాచ్‌ బాక్స్‌ పిక్చర్స్‌ సంయుక్తంగా నిర్మిస్తున్నాయి.
ఈ సినిమా ఫ‌స్ట్ లుక్ పోస్ట‌ర్‌ను సోష‌ల్ మీడియాలో షేర్ చేయగా నెటిజన్ల నుంచి పాజిటివ్ టాక్ వచ్చింది. పోస్టర్ లో విజయ్ సేతుపతి, కత్రీనా కైఫ్ .. వారి మ‌ధ్య‌లో పంజ‌రంలో నుంచి విడుద‌లై ఎగురుతోన్న పావురం క‌నిపిస్తోంది. అలాగే అంబాసిడ‌ర్ కార్‌తో పాటు జూపిట‌ర్ బేక‌రీ అనే బోర్డ్‌తో కూడిన బిల్డింగ్ ముందు ఓ వ్య‌క్తి నిల్చొని క‌నిపించ‌డం ఆస‌క్తిని పంచుతోంది. సినిమా మొత్తం ఒక రోజు రాత్రిలో జ‌రిగే కథ‌తో తెర‌కెక్కుతోన్న‌ట్లు స‌మాచారం. మేరీ క్రిస్మస్ సినిమాకు అంధాధూన్ ఫేమ్ శ్రీరామ్ రాఘ‌వ‌న్ ద‌ర్శ‌క‌త్వం వ‌హిస్తోన్నాడు.
ఈ సినిమాతోనే విజయ్ సేతుపతి బాలీవుడ్‌లోకి ఎంట్రీ ఇవ్వాల్సింది. అత‌డు హిందీలో సైన్ చేసిన ఫ‌స్ట్ మూవీ ఇది. కానీ అనివార్య కార‌ణాల వ‌ల్ల షూటింగ్ ఆల‌స్యం కావ‌డంతో మేరీ క్రిస్మస్ మూడో సినిమాగా రిలీజ్ కాబోతోంది. ఈ ఏడాది ముంబైక‌ర్ సినిమాతో బాలీవుడ్‌లోకి ఎంట్రీ ఇచ్చాడు విజ‌య సేతుపతి, ఆ తర్వాత షారుఖ్‌ఖాన్ జ‌వాన్‌లో విలన్ పాత్రలో నటించి అందరి ప్రశంసలు అందుకున్నాడు. ఇక ఈ సినిమా మూడో సినిమాగా క్రిస్మస్ కానుకగా డిసెంబర్ లో విడుదల కానుంది. బాలీవుడ్‌తో పాటు త‌మిళంలో ఒకేసారి మేరీ క్రిస్మస్ రిలీజ్ కాబోతోంది.
KATRINA KAIF - VIJAY SETHUPATHI: ‘MERRY CHRISTMAS’ TO ARRIVE ONE WEEK EARLY... 8 Dec 2023 is the new release date of #MerryChristmas, which teams #KatrinaKaif and #VijaySethupathi for the first time.#MerryChristmas - directed by #SriramRaghavan - is shot in two languages… pic.twitter.com/GPyGmCIQMI
— taran adarsh (@taran_adarsh) October 3, 2023
