Vijay Antony : బిచ్చగాడు హీరో విజయ్ ఆంటోనీ ఇంట్లో తీవ్ర విషాదం
కోలీవుడ్ స్టార్, బిచ్చగాడు హీరో విజయ్ ఆంటోనీ ఇంట్లో తీవ్ర విషాదం చోటు చేసకుంది. ఆయన కుమార్తె లారా(16).. ఉరి వేసుకుని చెన్నైలోని తన ఇంట్లో ఆత్మహత్య చేసుకుంది. ఆత్మహత్యకు ఇంకా అసలు కారణాలు ఇంకా తెలియరాలేదు కానీ .. ఒత్తిడి కారణంగానే ఈ షాకింగ్ నిర్ణయం తీసుకున్నట్లు హీరో సన్నిహితులు చెబుతున్నారు. లారా చెన్నైలోని చర్చి పార్క్ స్కూల్‌లో 12వ తరగతి చదువుతోంది. ఈరోజు తెల్లవారుజామున 3 గంటల ప్రాంతంలో ఉరి వేసుకుని ఆత్మహత్య చేసుకున్నట్లు సమాచారం. ఉదయం సీలింగ్ ఫ్యాన్‌కు వేలాడుతున్న ఆమెను గుర్తించిన విజయ్ ఆంటోనీ దంపతులు వెంటనే ఆళ్వార్‌పేటలోని ఓ ప్రైవేట్‌ ఆస్పత్రికి తరలించారు. కానీ అప్పటికే లారా మృతి చెందినట్లు డాక్టర్లు తెలిపారు. ఒత్తిడి కారణంగా లారా చనిపోయి ఉండవచ్చని విజయ్ సన్నిహితులు అంటున్నారు. లారా మృతితో విజయ్ ఆంటోని కుటుంబం తీవ్ర విషాదంలో మునిగిపోయింది
బిచ్చగాడు సినిమాతో తెలుగు ప్రేక్షకులకు చేరువయ్యాడు హీరో విజయ్ ఆంటోనీ. ఎలాంటి అంచనాల్లేకుండా లేకుండా రిలీజైన ఈ సినిమా అప్పట్లో బాక్సాఫీస్‌ దగ్గర కోట్లు కొల్లగొట్టింది టాలీవుడ్‌లో తిరుగులేని విజయాన్ని సాధించింది. రూ.2.2 కోట్ల బిజినెస్‌ జరుపుకున్న ఈ సినిమా తెలుగులో రూ. 14కోట్లకు పైగా కలెక్షన్‌లు సాధించి ఘన విజయం సాధించింది. ఇక దీనికి కొన‌సాగింపుగా 2023లో బిచ్చగాడు-2 విడుద‌లై మంచి విజయం సాధించింది.
