ఖుషీ నుంచి సెకండ్ సాంగ్ రిలీజ్

విజయ్‌ దేవరకొండ , సమంత జంటగా నటిస్తున్న చిత్రం ఖుషి. శివ నిర్వాణ దర్శకత్వం వహిస్తున్న ఈ మూవీని మైత్రీ మూవీ మేకర్స్‌ నిర్మిస్తోంది. ఇప్పటికే ఈ మూవీ నుంచి రిలీజైన ఫస్ట్ సాంగ్ విశేషంగా ఆకట్టుకుంటోంది. మణిరత్నం మూవీలను కలిపి రాసిన ఈ పాట యూట్యూబ్లో రికార్డులు క్రియేట్ చేస్తోంది. డైరెక్టర శివ నిర్వాణ ఈ పాట రాయడం గమనార్హం.

ఇక ఈ మూవీ నుంచి రెండో సాంగ్ రిలీజైంది. ఆరాధ్య అంటూ సాగే ఈ పాటను కూడా శివనిర్వాణ రాశారు. సిద్ శ్రీరాం, చిన్మయి పాడిన ఈ సాంగ్ కూడా అందరినీ అలరిస్తోంది. ఈ సినిమాకు మలయాళ మ్యూజిక్ డైరెక్టర్ హేశం అబ్దుల్ వహాబ్ సంగీతం అందిస్తున్నాడు. సెప్టెంబర్ 1న తెలుగుతో పాటు హిందీ, తమిళం, కన్నడ, మలయాళం భాషల్లో ఖుషీ రిలీజ్ అవుతోంది. ఇక ఈ మూవీలో జయరాం, మురళీ శర్మ, సచిన్ ఖేడేకర్, లక్ష్మి, అలీ, రోహిణి, వెన్నెల కిశోర్, రాహుల్ రామకృష్ణ నటిస్తున్నారు.