ఆదిపురుష్ ప్రీ రిలీజ్ ఈవెంట్కు ముఖ్య అతిథిగా చిన్నజీయర్ స్వామి
పాన్ ఇండియన్ స్టార్ ప్రభాస్, అందాల ముద్దుగుమ్మ కృతి సనన్ జంటగా నటించిన మైథ‌లాజిక‌ల్ సినిమా ఆదిపురుష్ ప్రపంచవ్యాప్తంగా జూన్ 16న విడుదల కానుంది. ఇప్పటికే మూవీ మేకర్లు దేశవ్యాప్తంగా పెద్ద ఎత్తున ప్రమోషన్లు చేస్తున్నారు. ఈ సందర్భంగా ప్రీ రిలీజ్ ఈవెంట్ తిరుపతి వేదికగా జూన్ 6వ తేదీ మంగళవారం సాయంత్రం 6 గంటలకు జరుగనుంది. శ్రీ వెంకటేశ్వర యూనివర్సిటీ స్టేడియంలో జరిగే ఈ వేడుక కోసం మూవీ మేకర్స్ భారీ ఎత్తున ఏర్పాట్లు చేస్తున్నారు . ఈ ఈవెంట్లో పాల్గొనడానికి ముంబై నుండి 200 మంది డ్యాన్సర్లు, ఫేమస్ గాయకులతో పాటు భారీ సంఖ్యలో ప్రభాస్ అభిమానులు తరలివచ్చే అవకాశం ఉంది. తాజాగా ఈ ఈవెంట్కు సంబంధించి మరో అప్డేట్ వచ్చింది. ఈ ప్రీ రిలీజ్ ఈవెంట్కు త్రిదండి చిన్నజీయర్ స్వామి ముఖ్య అతిథిగా హాజరుకానున్నారు. ఈ సందర్భంగా యూవీ క్రియేషన్స్ తమ ఫేస్ బుక్లో ఈవెంట్ పోస్టర్ను షేర్ చేసింది. ఆధ్యాత్మిక క్షేత్ర ప్రాంగణంలో, ఆధ్యాత్మిక గురువు ఆధ్వర్యంలో ఈ ప్రీరిలీజ్ ఈవెంట్ జరగడం పట్ల మేకర్స్ సంతోషంగా ఉన్నారు.
రామాయ‌ణ గాథ ఆధారంగా రూపొందిన సినిమా ఆదిపురుష్. ఓంరౌత్ ద‌ర్శ‌క‌త్వంలో వస్తున్న ఈ సినిమాలో ప్రభాస్ రాముడిగా, సీతగా కృతి సనన్ కనిపిస్తోంది. రావ‌ణాసురుడి పాత్రను బాలీవుడ్ స్టార్ సైఫ్ అలీఖాన్ పోషిస్తున్నాడు. రూ.500 కోట్ల బడ్జెట్తో, మోష‌న్‌క్యాప్చ‌ర్, త్రీడీ టెక్నాల‌జీతో సినిమాను తెరకెక్కిస్తున్నారు మేకర్స్. తెలుగు, హిందీతో పాటు పలు భారతీయ భాషల్లో ఆదిపురుష్ సినిమాను విడుదల చేయనున్నారు. ఇప్పటికే సినిమాపై ప్రేక్షకుల్లో భారీ అంచనాలు ఏర్పడ్డాయి. ప్రభాస్ కూడా తన ఆశలన్నీ ఈ సినిమాపైనే పెట్టుకున్నాడు.
