బాడీ పెంచుతుంది రాజమౌళి కోసం కాదు: మహేశ్ బాబు

మహేశ్ బాబు సినిమా వస్తుందంటే అభిమానులే కాదు, మామూలు సినిమా ప్రేక్షకులు కూడా ఆసక్తిగా ఎదురుచూస్తారు. ప్రస్తుతం వరుస ప్రాజెక్టులతో బిజీగా ఉన్నాడు. ఇక సోషల్ మీడియాలో యాక్టివ్ గా ఉండే మహేశ్.. జిమ్ లో వర్కౌంట్స్ చేస్తూ ఫొటోలు షేర్ చేస్తున్నాడు. అవి చూసిన ఫ్యాన్స్ రాజమౌళి సినిమా కోసం కసరత్తులు మొదలుపెట్టాడని అనుకున్నారు. ఆ వార్తలకు మహేశ్ క్లారిటీ ఇచ్చాడు. తాజాగా బిగ్‌ సి మొబైల్స్‌ ఈవెంట్ లో పాల్గొన్న మహేశ్ ‘రాజమౌళితో సినిమా ఇంకా మొదలు కాలేదు. జిమ్ వర్కౌంట్స్ ఆ సినిమా కోసం కాద’ని క్లారిటీ ఇచ్చాడు. అంతేకాకుండా త్రివిక్రమ్ డైరెక్షన్ లో తెరకెక్కుతున్న గుంటూరు కారం సినిమాపై వస్తున్న వార్తలకు తెర దించాడు.

కచ్చితంగా సంక్రాంతికి థియేటర్లలోకి ‘గుంటూరు కారం’ సినిమాను తీసుకొస్తున్నట్లు తెలిపాడు. ఈ ఈవెంట్లో మీడియా ప్రతినిధి ఫోన్ ఎంత సేపు వాడతారని అడిగిన ప్రశ్నను సమాధానం ఇచ్చిన మహేశ్ ‘మీరెంత సేపు వాడుతారో నేను అంతసేపే వాడతాను. తలనొప్పి వచ్చేదాకా వాడతాన’ని ' అని బదులిచ్చాడు. కాసేపు సరదాగా మాట్లాడిన మహేశ్ ఫ్యామిలీ ట్రిప్స్ గురించి అడిగిన ప్రశ్నకు ‘మీకు ఈర్ష్యగా ఉందా’ అని కౌంటర్ వేశాడు.

Mahesh Babu gave clarity on the release of Guntur Karam