Viral news: క్లబ్హౌస్లో పేకాట.. ముక్కలు కలిపిన మహేశ్, వెంకీ

సీతమ్మ వాకిట్లో సిరిమల్లె చెట్టు సినిమాలో మహేశ్ బాబు, వెంకటేష్ కలిసి నటించిన విషయం తెలిసిందే. ఆ సినిమాలో చిన్నోడు, పెద్దోడుగా వీళ్లిద్దరు అలరించారు. ఆ తర్వాత కూడా వీళ్ల మధ్య సాన్నిహిత్య సంబంధాలు చాలాసార్లు వార్తలు వచ్చాయి. కానీ తాజాగా వీళ్లిద్దరు కలిసున్న ఫొటోలు సోషల్ మీడియాలో వైరల్ అవుతున్నాయి. అసలు విషయం ఏంటంటే.. మహేష్, వెంకటేష్ పేకాట ఆడుతూ కెమెరాలకు చిక్కారు. దానికి సంబంధించిన ఫొటోలు సోషల్ మీడియాలో వైరల్ అవుతున్నాయి.

ఈ ఫొటోల్లో మహేశ్, వెంకటేశ్ పక్కపక్కన కూర్చొని కొంతమందితో రౌండ్ టేబుల్ పై పేకాట ఆడారు. వారి ముందు వందలకొద్దీ రూ.500 నోట్లు కనిపించాయి. ఓ క్లబ్ హౌజ్ ఓపెనింగ్ కు వీరు గెస్టులుగా వెళ్లగా.. సరదాగా ఓ గేమ్ ఆడినట్లు తెలుస్తోంది. అంతకుముందు జిగర్ తండా డబుల్ ఎక్స్ ప్రీ రిలీజ్ ఈవెంట్ కు ముఖ్యఅతిథిగా హాజరయ్యాడు వెంకటేష్. ఇక గుంటూరు కారం గ్లింప్స్ కోసం ఆసక్తిగా ఎదురుచూస్తున్న మహేశ్ ఫ్యాన్స్.. ఈ ఫొటోలు చూసి ఆశ్చర్యపోతున్నారు.