ఒకే ఫ్రేమ్లో రజనీ, కమల్..మల్టీస్టారర్ ప్లాన్ చేస్తున్న మణిరత్నం
తన డ్రిమ్ ప్రాజెక్ట్ 'పొన్నియిన్ సెల్వన్' తరువాత లెజండరీ డైరెక్టర్ మణిరత్నం సినిమాలకు సెలవు పలుకుతారని ఆ మధ్య కోలీవుడ్ కోడై కూసింది. వయసు పెరిగిపోతుండటంతో షూటింగ్ విషయంలో మణిరత్నం చాలా ఇబ్బంది పడ్డారని టాక్ వినిపించింది. అందుకే రిస్క్ తీసుకోకుండా సినిమాలకు గుడ్ బై చెప్పాలని డిసైడ్ అయినట్లు టాక్ వినిపించింది. అయితే తాజా అప్డేట్ను బట్టి ఆ వార్త జస్ట్ రూమర్ అని అర్థమవుతోంది. ఎట్టకేలకు తన లేటెస్ట్ ప్రాజెక్ట్ను అనౌన్స్ చేసి ఈ రూమర్స్కు మణిరత్నం ఫుల్స్టాప్ పెట్టారు. మల్టీస్టారర్ సినిమాను ప్లాన్ చేస్తున్నారు మణిరత్నం. అది కూడా కోలీవుడ్ స్టార్ హీరోలు కమల్ హాసన్, రజనీకాంత్‌తో ఈ మూవీ ప్లాన్ చేస్తున్నారట. కానీ, నిజానికి చాలా కాలం క్రితమే రజనీ, కమల్ కలిసి నటించకూడదని ఫిక్స్ అయ్యారట. అయితే.. మణిరత్నం కోరిక మేరకు వీరిద్దరూ 38 ఏళ్ల తర్వాత మళ్లీ ఒకే ఫ్రేమ్లో కనిపించేందుకు సిద్ధమయ్యారట. మణిరత్నం మూవీ కోసమే వీరిద్దరూ తమ నిర్ణయాన్ని మార్చుకున్నారని టాక్ వినిపిస్తోంది. దీని గురించి త్వరలో అధికారికంగా ప్రకటన కూడా వస్తుందని సమాచారం. అదే కనుక జరిగితే ఇక ఫ్యాన్స్కు పండగే. ఈ కాంబినేషన్ రిపీట్ అయితే బాక్స్ బద్దలవ్వాల్సిందే అని అంటున్నారు అభిమానులు.
