The Marvels Trailer: హలో బ్రదర్ కాన్సెప్ట్లో అవేంజర్ సినిమా.. ఒక్కరు కాదు.. ఈసారి ముగ్గురు..!
యాక్షన్, అడ్వెంచర్ కథతో థ్రిల్ చేయడానికి మార్వెల్ స్టూడియోస్ నుంచి మరో సినిమా రాబోతోంది. శుక్రవారం (జులై 21) ది మార్వెల్స్ సినిమా ట్రైలర్ రిలీజ్ అయింది. కెప్టెన్ మార్వెల్ ఉంటే ఆ సీన్స్ ఎలా ఉంటాయో అందరికీ తెలిసిందే. ఈ సినిమా కూడా మార్వెల్ మూవీస్ కు అతీతమేమి కాదని ట్రైలర్ చూస్తే అర్థం అవుతుంది. మార్వెల్ పవర్స్ తో ముగ్గురు సూపర్ హీరోలు ఈ సినిమాలో కనిపించబోతున్నారు. కెప్టెన్ మార్వెట్, మిస్ మార్వెల్, కెప్టెన్ మోనికా రాంబ్యూలు ఈ ట్రైలర్ లో కనిపించే సరికి.. ఈ సినిమాపై ఎక్కడే లేని అంచనాలు పెరిగిపోయాయి.
ఈ ముగ్గురు సూపర్ హీరోలు కలిసి చేసే స్టంట్స్ ను సిల్వర్ స్క్రీన్ పై చూసేందుకు మార్వెల్ ఫ్యాన్స్ ఆత్రుతగా ఎదురుచూస్తున్నారు. ఎప్పటిలాగే ఈ సినిమాలో కూడా.. భూమిని నాశనం చేయాలను కునే రాక్షసుల నుంచి ప్రజలకు కాపాడటానికి హీరోలు ఫైట్ చేస్తారు. కానీ, తెలియకుండానే ఒకరి సీన్ లోకి ఒకరు (టెలి పోట్రేట్) అవుతుంటారు. ఓ సంఘటన ఒకరికి జరిగితే.. మరొకరికి కూడా అదే జరుగుతుంటుంది. ఈ క్రమంలో జరిగే ఫైట్ సీన్స్ ను అద్భుతంగా ఉన్నాయి. ఈ సినిమాను నియా డకోస్టా డైరెక్ట్ చేస్తున్నాడు. కెవిన్ ఫీజ్ నిర్మాత. ది మార్వెల్స్ సినిమా భారత్ లో ఇంగ్లీష్ తో పాటు.. తెలుగు, హిందీ, తమిళ భాషల్లో రిలీజ్ అవుతుంది. దీపావళి టైంలో సినిమా రిలీజ్ కానుంది. అయితే, ఈ ట్రైలర్ చూసిన టాలీవుడ్ ఫ్యాన్స్.. ఈ సినిమా నాగార్జున హలో బ్రదర్ సినిమా కాన్సెప్ట్ ను కాపీ కొట్టారని అంటున్నారు. హలో బ్రదర్ లో కూడా ఒక హీరోకు జరిగిన ఘటన మరో హీరోకు జరుగుతుంటుంది.
