ప్రైవేట్గా ఎంగేజ్మెంట్ చేసుకున్న వరుణ్ తేజ్, లావణ్య త్రిపాఠి
ఆరేళ్ళ ప్రేమ కహానీకి శుభం కార్డు పడింది. ఎప్పుడెప్పుడా అంటూ ఎదురుచూసిన మెగా ఫ్యాన్స్కు గుడ్ న్యూస్ అందనే అందింది. మెగాప్రిన్స్ వరుణ్ తేజ్, నటి లావణ్య త్రిపాఠిలు ప్రైవేట్గా ఎంగేజ్మెంట్ చేసుకున్నారు. త్వరలోనే పెళ్లి బంధంతో ఒక్కటి కానున్నారు. వైభవంగా జరిగిన ఈ నిశ్చితార్థం వేడుకలో మెగా, అల్లు హీరోలు సందడి చేశారు.
గతకొన్నేళ్లుగా లవ్ జర్నీ చేస్తున్న వరుణ్ తేజ్, లావణ్యల ఎంగేజ్మెంట్ అంగరంగ వైభవంగా జరిగింది. శుక్రవారం సాయంత్రం నాగబాబు ఇంట్లో ఈ వేడుకలను చాలా ప్రైవేట్గా నిర్వహించారు. అత్యంత కొద్దిమంది సన్నిహితులు , స్నేహితులు మాత్రమే హాజరైనట్లు తెలుస్తోంది. మెగా, అల్లు హీరోలతో పాటు లావణ్య త్రిపాఠిల కుటుంబ సభ్యులు వేడుకల్లో పాల్గొన్నారు. ఎంగేజ్మెంట్తో వీరి ప్రేమ కహానీకి గ్రీన్ సిగ్నల్ వచ్చేసింది. ఈ సంవత్సరం చివర్లో వివాహం జరుగనున్నట్లు ఇన్ఫర్మేషన్.
ప్రస్తుతం వరుణ్ , లావణ్యల ఎంగేజ్మెంట్ పిక్స్ నెట్టింట్లో వైరల్ అవుతున్నాయి. వరణ్ తన ఇన్స్టాగ్రామ్ అకౌంట్లో నిశ్చితార్ధం ఫోటోలను షేర్ చేశారు. నా ప్రేమ నాకు దొరికింది అనే క్యాప్షన్తో వరుణ్ లావణ్యతో దిగిన ఫోటోలను పోస్ట్ చేసి తన అభిమానులను ఖుషీ చేశాడు. వీటిని చూసిన నెటిజన్లు కొత్త కపుల్స్కు కంగ్రాస్ట్స్ చెబుతున్నారు. సోషల్ మీడియాలో #VarunLav హ్యాష్‌ట్యాగ్‌ ప్రస్తుతం ట్రెండింగ్లో ఉంది.
వరుణ్, లావణ్యలు పెద్దగా సినిమాల్లో నటించలేదు. వీరిద్దరూ కలిసి ఆరేళ్ల క్రితం మిస్టర్ అనే సినిమా చేశారు. ఈ సినిమా నుంచే వీరిద్దరు బాగా క్లోజ్ అయ్యారని ఇండస్ట్రీ టాక్. ఆ తరువాత ఏడాది అంతరిక్షం సినిమాలోనూ వరుణ్, లావణ్యలు కలిసి నటించారు. ఇక అప్పటి నుంచి వీరి లవ్ జర్నీ స్టార్ట్ అయినట్లు తెలుస్తోంది. నిహారిక ఎంగేజ్మెంట్, పెళ్లిలోనూ లావణ్య వరుణ్తో క్లోజ్గా ఉన్న పిక్స్ నెట్టింట్లో రావడంతో వీరిద్దరి లవ్ గురించి పుకార్లు మొదలయ్యాయి. అయినా చాలా కాలంగా వీరిద్దరి రిలేషన్ విషయాన్ని సీక్రెట్ గా ఉంచుతూ వస్తున్నారు. ఎప్పుడూ ఈ విషయం గురించి స్పందించలేదు. ఎట్టకేలకు ఎంగేజ్మెంట్తో తమ రిలేషన్ గురించి క్లారిటీ ఇచ్చేశారు.
ఇదిలా ఉంటే వరుణ్ ఎంగేజ్మెంట్ సందర్భంగా మరోసారి నిహారిక, చైతన్య విడాకుల వ్యవహారం తెరపైకి వచ్చింది. గత కొంత కాలంగా ఈ జంట ఇన్‌స్టాగ్రామ్‌లో ఒకరినొకరు అన్‌ఫాలో అవ్వడం, పెళ్లి ఫొటోలను డిలీట్ చేయడం. ఇద్దరూ కలిసి దిగిన ఫోటోలను తీసేయడంతో కథ కాస్త సీరియస్ అయ్యింది. మొన్నామధ్య నిహారిక చేసిన వెబ్ సిరీస్ ప్రమోషన్కు కూడా చైతన్య లేకపోవడం, మరోవైపు చైతన్య తిరుమలకు నిహారిక లేకుండానే తన కుటుంబ సభ్యులతో వెళ్లడంతో వీరిద్దరి రిలేషన్పై రూమర్స్ పెద్ద ఎత్తున సోషల్ మీడియాలో వచ్చాయి. ఇప్పుడు నిహారిక అన్న నిశ్చితార్ధం వేడుకల్లోనూ చైతన్య ఎక్కడా కనిపించలేదని టాక్ బాగా వినిపిస్తోంది. దీంతో ఇప్పుడు ఇదే హాట్ టాపిక్గా మారింది. ఒకవేళ చైతన్య ఈ వేడుకను మిస్ చేసివుంటే వీరిద్దరూ డివోర్స్ తీసుకుంటున్నట్లు కన్ఫార్మ్ అయినట్లేనని నెటిజన్లు భావిస్తున్నారు. ఏది ఏమైనా వరుణ్ తాను ప్రేమించిన లావణ్యను త్వరలో పెళ్లి చేసుకోబోతున్నాడు. అలాగే నిహారిక కూడా తన వైవాహిక బంధంలో మళ్లీ హ్యాపీగా ఉండాలని మనమూ కోరుకుందాం.
Found my Lav!♥️@Itslavanya pic.twitter.com/OCyhWcIjMq
— Varun Tej Konidela (@IAmVarunTej) June 9, 2023
