Miss Shetty Mr Polishetty first review : 'మిస్ శెట్టి - మిస్టర్ పోలిశెట్టి' మొదటి రివ్యూ..సినిమా ఎలా ఉందంటే..
టాలీవుడ్ జేజమ్మ అనుష్క శెట్టి, యువ కథానాయకుడు నవీన్ పోలిశెట్టి జంటగా నటించిన సినిమా ‘మిస్ శెట్టి మిస్టర్ పోలిశెట్టి’ ఈ సెప్టెంబర్ 7న విడుదల కాబోతోంది. మహేష్ బాబు డైరెక్షన్లో వస్తున్న ఈ సినిమాను తెలుగు, తమిళ, కన్నడ, మలయాళ భాషల్లోనూ ప్రపంచవ్యాప్తంగా రిలీజ్ చేయనున్నారు మేకర్స్. అయితే ఈ మూవీ రిలీజ్కు ముందే ఫస్ట్ రివ్వూ ఇచ్చేశారు మెగాస్టార్. ఈ సినిమాపైన చిరంజీవి ప్రశంసల వర్షం కురిపించారు. ఈ సినిమాను ఎంతో ఎంజాయ్ చేశానన్నారు.
" మిస్ శెట్టి-మిస్టర్ పోలిశెట్టి మూవీ చూశాను. ఈ సినిమా మొదటి నుంచి ఎండింగ్ వరకు నన్ను ఎంతో ఆకట్టుకుంది. హిలేరియస్ ఎంటర్టైనర్ మూవీ ఇది. నేటితరం యువతకు బాగా కనెక్ట్ అయ్యేలా సరికొత్త కథతో డైరెక్టర్ ఎంతగానో ఆకట్టుకున్నారు. ‘జాతి రత్నాలు’ సినిమాకు మించి రెట్టింపు ఉత్సాహాన్ని, వినోదాన్ని ఈ సినిమాలో చూడవచ్చు. యువ హీరో నవీన్ పోలిశెట్టి, కొంచెం గ్యాప్ తర్వాత స్క్రీన్ మీద కనిపించినా ఎంతో అందంగా ఉన్నాడు. ఇక మన దేవసేన అనూష్క శెట్టి మూవీకి తన ప్రాణం పోసింది. ఎంటర్టైన్మెంట్తో పాటు ఎమోషన్స్‌ని పండించారు. సినిమాను అద్భుతంగా తీసిన డైరెక్టర్ మహేష్ బాబును మెచ్చుకోవాల్సింది. ఈ సినిమాకి మొదటి ప్రేక్షకుడిని నేనే. సినిమాను ఎంతగానో ఎంజాయ్ చేశాను. మరోసారి థియేటర్‌లో ప్రేక్షకులతో ఈ సినిమా చూడాలని ఉంది. మిస్ శెట్టి-మిస్టర్ పోలిశెట్టి వంద శాతం సినీ ప్రియుల ముఖాల్లో నవ్వులు పూయిస్తుంది అనడంలో ఎలాంటి సందేహం లేదు" అంటూ మోగాస్టార్ తన ట్విటర్ లో ట్వీట్ చేశారు. ప్రస్తుతం ఈ ట్వీట్ నెట్టింట్లో వైరల్ అవుతుంది.
