Miss Shetty Mr Polishetty : మిస్ శెట్టి మిస్టర్ పొలిశెట్టి యూఎస్ రివ్యూ
నవీన్ పోలిశెట్టి, అనుష్క హీరో, హీరోయిన్లుగా నటించిన సినిమా మిస్ శెట్టి.. మిస్టర్ పొలిశెట్టి. శుక్రవారం ఈ మూవీ ప్రేక్షకుల ముందుకు రానుంది. ఫుల్ ఫన్, ఫీల్ గుడ్ ఎంటర్‌టైనర్గా ఈ చిత్రాన్ని తెరకెక్కించామని మేకర్స్ చెప్పారు. అందుకు తగ్గట్టే టీజర్, ట్రైలర్ అందరినీ ఆకట్టుకున్నాయి. ఇక విడుదలకి ముందు మెగాస్టార్ చిరంజీవి సూపర్ అంటూ రివ్యూ ఇవ్వడం కూడా సినిమాపై పాజిటివ్ బజ్ క్రియేట్ అయ్యేలా చేసింది. భారీ అంచనాల మధ్య మరికొన్ని గంటల్లో ఆడియన్స్ ముందుకు రాబోతున్న ఈ చిత్ర యుఎస్ ప్రీమియర్స్ ఇప్పటికే మొదలయ్యాయి.
అనుష్క సినిమా వచ్చి చాలా కాలం అయ్యింది. ఆమె సినిమా కోసం ఫ్యాన్స్ ఎంతో ఆతృతగా ఎదురుచూస్తున్నారు. అదేవిధంగా జాతిరత్నాలు తర్వాత నవీన్ పొలిశెట్టి నటిస్తున్న మూవీ కావడంతో ఈ సినిమాపై భారీ అంచనాలు ఉన్నాయి. అయితే ఆ అంచనాలకు తగ్గట్లే ఈ సినిమా ఉందని యూఎస్ ప్రీమియర్స్ చూసినవారు అంటున్నారు. నేటి యూత్కి కనెక్ట్ అయ్యేలా ఫన్నీగా సాగుతూ అందరినీ మెప్పిస్తుంది అని చెబుతున్నారు. నవీన్ పోలిశెట్టి మార్క్ డైలాగ్ డెలివరీ హిలేరియస్గా నవ్విస్తుందని.. ఇది సాధారణ లవ్ స్టోరీ కాదని, అంతకు మించి ఉంటుందని కామెంట్లు చేస్తున్నారు.
నవీన్ పోలిశెట్టి స్టాండప్ కమెడియన్ పాత్రలో, అనుష్క శెట్టి చెఫ్ పాత్రలో అదరగొట్టేశారని అంటున్నారు. ఇద్దరి మధ్య వచ్చే సన్నివేశాలు సరదాగా సాగుతాయని యుఎస్ ఆడియెన్స్ చెబుతున్నారు. వైవిధ్యమైన ప్రేమకథతో అనుష్క తన అభిమానులను మెస్మరైజ్ చేసిందని.. ఇన్నాళ్ల వెయిటింగ్‌కు ఈ సినిమా మంచి ఫలితాన్ని ఇస్తుందని చెబుతున్నారు. ప్రేమ, రిలేషన్‌షిప్స్, పెళ్లి మీద ఆసక్తి, నమ్మకం లేని అమ్మాయి.. స్టాండప్ కమెడియన్ను ఇష్టపడటం.. అయితే పెళ్లి చేసుకోవడానికి కాకుండా.. గర్భం దాల్చడానికి హెల్ప్ అడగడం వంటి సీన్స్ హిలేరియస్గా సాగుతూనే అలరిస్తాయని అంటున్నారు. ముఖ్యంగా నవీన్ తికమక పడుతూ చేసే నటన తప్పకుండ మెప్పిస్తుందని టాక్. ముఖ్యంగా డైలాగులు చాలా బాగున్నాయని.. డైరెక్టర్ మహేష్ బాబు ఒక సరికొత్త ప్రేమకథను ఎంటర్‌టైనింగ్‌గా, ఎమోషనల్‌గా చెప్పిన విధానం సూపర్బ్గా ఉందంటున్నారు.
ఈ సినిమాలో మురళీ శర్మ, తులసి, సోనియా, అభినవ్ గోమఠం తమ పాత్రలకి న్యాయం చేశారని యూఎస్ ఆడియన్స్ చెబుతున్నారు. రథన్ సంగీతం, నిర‌వ్ షా సినిమాటోగ్రఫీ బాగుందంటున్నారు. నేటి యువత ఆలోచనా విధానాన్ని ప్రతిబింబిస్తూ మొదటి నుంచి చివరి దాకా హిలేరియస్గా సాగుతుందని కామెంట్ చేస్తున్నారు. నవీన్ టైమింగ్, ఎనర్జీతో, అందం,నటనతో అనుష్క అదరగొట్టారని చెబుతున్నారు. మొత్తానికి యుఎస్ ఆడియెన్స్ నుంచి సినిమాకు పాజిటివ్ టాక్ వినిపిస్తుంది.
