కొత్త కారు కొన్న నాగార్జున...ధర ఎంతంటే.. ?
అమ్మాయిల మనసుల్ని కొల్లగొట్టిన నవ మన్మథుడు అక్కినేని నాగార్జున. 60 ఏళ్ల వయుస్సులో యువకులతో పోటీపడుతున్నాడు. క్లాస్ మాస్ అనే తేడా లేకుండా కోట్లాది అభిమానులను సొంతంచేసుకున్నాడు ఈ అక్కినేని అందగాడు. ముఖ్యంగా అమ్మాయిల్లో విపరీతమైన క్రేజ్‌ను సంపాదించాడు. ఇది ఇలా ఉంటే నాగార్జున తాజాగా ఓ కారును కొనుగోలు చేశాడు. కియా ఈవీ6 ఎలక్ట్రిక్ కారు కొన్న ఫోటోలు సోషల్ మీడియాలో వైరల్ అవతున్నాయి. ఇప్పటికే మంచి కార్లు అక్కినేని గ్యారేజ్‌లో ఇప్పుడు ఈవీ6 కూడా చేరింది. నాగార్జున కొనుగోలు చేసిన కియా ఈవీ6 కారు ప్రత్యేకతలు ఏంటో ఓ సారి చూద్దాం.
కియా ఈవీ6 కారు ప్రారంభ ధర రూ.60.95లక్షలు(ఎక్స్-షోరూమ్)గా ఉంది. కియా ఈవీ6 కారులో 77.4 కిలో వాట్ హవర్ (kWh) బ్యాటరీ ఉంటుంది. ఒక్కసారి ఈ బ్యాటరీని ఫుల్ చార్జ్ చేస్తే.. ఈ కారులో 708 కిలోమీటర్ల వరకు ప్రయాణం చేయొచ్చు. ఇక నాలుగన్నర నిముషాలు ఛార్జింగ్ పెడితే చాలు దాదాపు 100 కి.మీ వెళ్లొచ్చు
అల్ట్రా ఫాస్ట్ చార్జింగ్ సపోర్ట్ ఉంటుంది. కేవలం 3.5 సెకన్లలోనే ఈ కారు 0 నుంచి 100kmph వేగానికి యాక్సలరేట్ అవగలదు.ఇందులో డ్రైవర్ సీటును 10 రకాలుగా అడ్జెస్ట్ చేసుకొనే వెసులుబాటు ఉంది.ప్రస్తుతం ఈ కారు ఫోటోలు నెట్టింట వైరల్ గా మారాయి.
నాగార్జున సినిమాలు తీయడంలో స్పీడ్ తగ్గించారు. గతేడాది ఘోస్ట్ మూవీ డిజాస్టర్ తర్వాత ఎటువంటి సినిమా ప్రకటన చేయలేదు. కథల ఎంపిక విషయంలో ఆచితూచి వ్యవహరిస్తున్నారు. ప్రస్తుతం ఆర్ఎక్స్ 100 ఫేమ్ డైరెక్టర్ అజయ్ భూపతి చెప్పిన ఓ కథ నచ్చి...దానిని ప్రాజెక్టు ఎక్కించే పనిలో ఉన్నారని సమాచారం.
