నా సామిరంగ.. సంక్రాంతి బరిలో కింగ్ నాగార్జున

టాలీవుడ్ కింగ్, మన్మధుడు నాగార్జున పుట్టినరోజు నేడు.. 64 ఏళ్ళు వచ్చినా ఇంకా అంతే అందంగా, ఆరోగ్యంగా ఉంటూ, బాడీని మెయింటైన్ చేస్తూ కుర్ర హీరోలకు పోటీ ఇస్తున్నారు. బర్త్ డే రోజున నాగార్జున నెక్స్ట్ సినిమా అనౌన్స్మెంట్ వస్తుందని ఫ్యాన్స్ అంతా ఎదురు చూస్తూనే ఉన్నారు. వారి వెయిటింగ్ కి ఎండ్ కార్డ్ వేస్తూ నాగార్జున బర్త్ డే రోజున మోస్ట్ అవైటెడ్ అన్నౌన్స్మెంట్ వచ్చేసింది. నాగార్జున పుట్టిన రోజు సందర్భంగా నాగ్ 99వ సినిమాని ప్రకటించారు.

శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి నాగార్జున 99వ సినిమాని నిర్మిస్తున్నారు. ఇప్పటికే నాగ్ తన కెరీర్ లో ఎంతో మంది కొత్త డైరెక్టర్స్ ని ప్రకటించగా ఇప్పుడు ఈ సినిమాతో మరో కొత్త డైరెక్టర్ ని పరిచయం చేస్తున్నాడు. విజయ్ బిన్నీ అనే కొత్త దర్శకుడు నాగార్జున 99వ సినిమాని తెరకెక్కిస్తున్నాడు. ఈ సినిమాకు ‘నా సామిరంగ’ అనే సరికొత్త టైటిల్ ని ప్రకటించారు చిత్రయూనిట్. టైటిల్ తో పాటు చిన్న గ్లింప్స్ కూడా రిలీజ్ చేసి అభిమానులకు సర్ ప్రైజ్ ఇచ్చారు.

గ్లింప్స్ లో.. నైట్ ఎఫెక్ట్ లో, కొంతమంది రౌడీలు ఓ షెడ్డు లోపల ఉండగా.. విలన్ ఎంట్రీ ఇచ్చాడు. అతనికి లోపలి వెళ్లగానే, విలన్ ని చూసి రౌడీ అతని తల కావాలా? చేతులు నరకాలా? అని అడుగుతుండగా… ఒక రౌడీ లేచి అసలు ఎవడన్నా వాడు అనగానే విలన్ నుంచి ‘కింగ్’ అని పేరు రావడం, రౌడీలకి చెమటలు పట్టడం ఒకేసారి జరిగాయి. ఈ సమయంలో ‘కింగ్’ అనే ఇన్సర్ట్ షాట్ సూపర్బ్ గా ఎలివేట్ అయ్యింది. కింగ్ అనే మాట వినగానే రౌడీల్లో భయం, టేబుల్ పైన దరువు వేస్తూ నాగార్జున రివీల్ అవ్వడం ఫ్యాన్స్ చేత విజిల్స్ వేయించేలా ఉంది. రెడ్ షర్ట్ , లాంగ్ హెయిర్ లో నాగార్జున ఫేస్ రివీల్ చేసిన విధానం కిక్ ఇచ్చింది.నాగార్జున చాలా రోజుల తర్వాత కంప్లీట్ మాస్ లుక్ లో ఉన్నాడు. రౌడీలందరినీ కొట్టి షెడ్డు బయటకి వచ్చి బీడీ వెలిగించిన నాగార్జున “ఈ సంక్రాంతికి నా సామీ రంగ” అని చెప్పడంతో ప్రోమో ఎండ్ అయ్యింది. దీంతో సంక్రాంతి బరిలో ఈ సినిమా రిలీజ్ అవ్వనుంది అనే విషయాన్ని అఫీషియల్ గా అనౌన్స్ చేసారు. ఇన్నాళ్లు ఎలాంటి అప్డేట్ లేకుండా డైరెక్ట్ గా సంక్రాతికి రానున్నానని చెప్పడంతో అభిమానులు సంతోషం వ్యక్తం చేస్తున్నారు.

Naa Saami Ranga🤟

Ippudu #KingMassJataraమొదలు 🔥🔥

Our next with the King 👑@iamnagarjuna garu titled #NaaSaamiRanga 💥

World Wide Release on Sankranti 2024🤩

Here's the Title Glimpse

➡️ https://t.co/0PuVDhdykA#HBDKingNagarjuna 🎊@ChoreographerVJ @mmkeeravaani… pic.twitter.com/5k88K8XNei

— Srinivasaa Silver Screen (@SS_Screens) August 29, 2023