Nandamuri Balakrishna New movie : బ్లడ్ బాత్ కా బ్రాండ్ నందమూరి బాలకృష్ణ..
నందమూరి బాలకృష్ణ అఖండ, వీర సింహారెడ్డి, భగవంత్ కేసరి వంటి హ్యాట్రిక్ హిట్స్ తో జోష్ లో ఉన్నాడు. ముఖ్యంగా ఈ మూడు సినిమాలూ వేటికవే భిన్నంగా కనిపిస్తాయి. వీరసింహారెడ్డి పూర్తిగా ఆయన ఇమేజ్ ను బేస్ చేసుకుని రూపొందించిన సినిమా. కానీ అఖండ డిఫరెంట్ మూవీ. భగవంత్ కేసరి అయితే ఇంక తన కెరీర్ లోనే ఫస్ట్ టైమ్ తన ఏజ్ కు తగ్గ పాత్రలో కనిపించిన మూవీ. శ్రీ లీల వంటి స్టార్ హీరోయిన్ ఆయన కూతురుగా నటించడం విశేషమైతే దాన్ని బాలయ్య యాక్సెప్ట్ చేయడం మరో విశేషం. ఇద్దరూ పోటీ పడి నటించారు. ప్రస్తుతం భగవంత్ కేసరి చాలా చోట్ల ఇంకా స్ట్రాంగ్ గా ఉంది. ఇప్పటికే 140 కోట్లకు పైగా కలెక్ట్ చేసిన ఈ మూవీ బాలయ్య కెరీర్ లోనే హయ్యొస్ట్ గ్రాసర్ గా నిలవబోతోంది.
భగవంత్ కేసరి తర్వాత బాలకృష్ణ, దర్శకుడు బాబీకి గ్రీన్ సిగ్నల్ ఇచ్చి ఉన్నాడు. సితార ఎంటర్టైన్మెంట్ బ్యానర్ నిర్మించబోతోన్న ఈ మూవీ షూటింగ్ ఈ బుధవారం నుంచి ప్రారంభం అయింది. ఈ మేరకు మూవీ టీమ్ ను ఓ పోస్టర్ తో పాటు అఫీషియల్ అనౌన్స్ మెంట్ వచ్చింది. ఈ పోస్టర్ చూస్తే ఇది పూర్తిగా బాలయ్య ఇమేజ్ ను దృష్టిలో పెట్టుకుని రాసుకున్న కథ అని అర్థం అవుతోంది. "బ్లడ్ బాత్ కా బ్రాండ్ నేమ్.. నందమూరి బాలకృష్ణ.." అనే ట్యాగ్ లైన్ ఈ పోస్టర్ లో ఉంది. పోస్టర్ లో ఓ గండ్రగొడ్డలికి బాలయ్య కళ్లజోడు, లక్ష్మీ నరసింహ స్వామి ఫోటో తగిలించి ఉన్నాయి. మొత్తంగా బాలయ్య వరుస సినిమాలతో దూకుడుగానే ఉన్నాడు.
బాబీ గతంలో పవర్, జై లవకుశ, వెంకీ మామ, వాల్తేర్ వీరయ్య వంటి విజయాలు చూసి ఉన్నాడు. ముఖ్యంగా వాల్తేర్ వీరయ్యలో వింటేజ్ మెగాస్టార్ ను గ్రాండ్ గా రీ ఇంటర్ డ్యూస్ చేశాడు. ఇప్పుడు బాలయ్యను కూడా మరోసారి గతంలో చూసినట్టుగా ప్రజెంట్ చేస్తాడేమో కానీ.. ఈ కాంబినేషన్ పై అంచనాలైతే ఉన్నాయి. మరి ఆ అంచనాలను ఏ రేంజ్ లో అందుకుంటారో చూడాలి.
