Nandamuri Kalyan Ram : కళ్యాణ్ రామ్ సినిమాలో విజయశాంతి..
ఒకప్పుడు లేడీ సూపర్ స్టార్, లేడీ అమితాబ్ అంటూ ఓ రేంజ్ లో స్టార్డమ్ సంపాదించుకుంది విజయశాంతి. లేడీ ఓరియంటెడ్ సినిమాల్లో ఆమెకు ఉన్న రికార్డ్స్ ఇప్పటి వరకూ ఇండియాలో మరే హీరోయిన్ కూ లేవు. కొన్నాళ్ల క్రితమే సినిమాలకు గ్యాప్ ఇచ్చింది. తనకు కథ బాగా నచ్చితే తప్ప నటించేందుకు ఒప్పుకోవడం లేదు. చివరగా 2022లో మహేష్ మూవీ సరిలేరు నీకెవ్వరులో కీలక పాత్ర చేసింది. ఆ తర్వాత కూడా చాలామంది ఆమెను అప్రోచ్ అయ్యారు. బట్ నో చెబుతూ వస్తోంది. ఇటు పొలిటికల్ గా ట్విట్టర్ కే పరిమితం కావడంతో బిజెపిలోనూ క్రియాశీలకంగా కనిపించడం లేదు. ప్రస్తుతం ఎన్నికల సమయం. చాలా కీలకమైన టైమ్. బిజీగా ఉండాల్సి ఉంటుంది. ఈ టైమ్ లో తను సడెన్ గా సినిమాలో నటించేందుకు ఒప్పుకోవడం టాలీవుడ్ తో పాటు పొలిటీషియన్స్ ను కూడా ఆశ్చర్యపరుస్తోంది.
కళ్యాణ్ రామ్ హీరోగా ప్రదీప్ చిల్కూరి డైరెక్ట్ చేయబోతోన్న సినిమాలో ఓ కీలక పాత్రలో విజయశాంతి నటించబోతోంది. హీరోయిన్ గా సాయీ మంజ్రేకర్ కనిపించబోతోంది. ఒక కొత్త బ్యానర్ తో పాటు ఎన్టీఆర్ ఆర్ట్స్ కూడా సంయుక్తంగా నిర్మించబోతోన్న ఈ మూవీ ఈ శుక్రవారం లాంఛనంగా ప్రారంభం అయింది. కళ్యాణ్ రామ్ కెరీర్ లోనే హయ్యొస్ట్ బడ్జెట్ తో ఈ చిత్రం ఉంటుందట. మొత్తంగా నందమూరి బాలకృష్ణతో సూపర్ హిట్ జోడీగా ఎన్నో బ్లాక్ బస్టర్స్ లో నటించిన విజయశాంతి ఆ తర్వాతి తరం అయిన కళ్యాణ్ రామ్ మూవీలో ఎలాంటి పాత్ర చేయబోతోందో కానీ.. కీలకమైన ఎన్నికల వేళ పార్టీలో క్రియాశీలకంగా ఉండాల్సిన విజయశాంతి ఇలా సినిమాలకు టర్న్ కావడంతో తనిక రాజకీయాలకు గుడ్ బై చెప్పిందా అంటూ చర్చలు నడుస్తున్నాయి.
