Madhapur Drugs Case : కాసేపట్లో నవదీప్ను ప్రశ్నించనున్న అధికారులు

మాదాపూర్ డ్రగ్స్ కేసులో హీరో నవదీప్ను నార్కోటిక్స్ బ్యూరో అధికారులు కాసేపట్లో విచారించనున్నారు. ఇవాళ ఉదయం 11గంటలకు తమ ముందు హాజరుకావాలని గతంలో అధికారులు ఆయనకు 41A కింద నోటీసులు జారీ చేశారు. ఈ కేసులో హీరో నవదీప్‌ను అధికారులు డ్రగ్‌ కన్జ్యూమర్‏గా గుర్తించారు. ఇదే కేసులో అరెస్టైనా రాంచందర్ అనే వ్యక్తి తో నవదీప్కు సంబంధం ఉన్నట్లు అధికారులు గుర్తించారు. వాట్సాప్‌ చాటింగ్‌తో పాటు.. కాల్‌ డేటాను సేకరించారు. వీటి ఆధారంగా నవదీప్ను అధికారులు ప్రశ్నించనున్నారు.

మాదాపూర్ డ్రగ్స్ కేసులో నవదీప్ను పోలీసులు ఏ29గా చేర్చారు. ఈ కేసులో బెయిల్ ఇవ్వాలంటూ ఆయన హైకోర్టును ఆశ్రయించగా.. కోర్టు పిటిషన్ను కొట్టేసింది. నవదీప్‎కు బెయిల్ ఇవ్వొద్దన్న నార్కొటిక్ పోలీసుల వాదనతో ఏకీభవించిన కోర్టు.. 41A కింద నోటీసులు ఇవ్వాలని పోలీసులకు సూచించింది. దీంతో అధికారులు ఆయనకు ఇవాళ విచారణకు హాజరుకావాలని నోటీసులు జారీ చేశారు.