ఓటీటీలో 'మళ్లీ పెళ్లి'..ఎప్పుడంటే

సోషల్ మీడియా సెన్సేషనల్ కపుల్ నరేష్, పవిత్ర లోకేష్‎లు ఓటీటీలో సందడి చేసేందుకు రెడీ అయ్యారు. జూన్ 23న తెలుగు ఓటీటీ ప్లాట్‎ఫార్మ్ ఆహాలో ఈ మూవీ స్ట్రీమింగ్ కానుంది. సినిమా విడుదలైన నెల రోజుల వ్యవధిలోనే ఓటీటీలో విడుదల చేస్తున్నారు నరేష్. దీంతో మరోసారి నెట్టింట్లో వీరిద్దరి సందడి మొదలైంది.

సీనియర్ డైరెక్టర్ ఎం.ఎస్. రాజు డైరెక్షన్‎ వహించిన మళ్లీ పెళ్లి సినిమా మే 26న థియేటర్లలో తెలుగు, కన్నడ భాషల్లో విడుదలైంది. ఈ మూవీలో సీనియర్ నటుడు నరేష్, క్యారెక్టర్ ఆర్టిస్ట్ పవిత్రలు ప్రధాన పాత్రలు పోషించారు. ఈ సినిమా ప్రమోషన్‎‎ను వినూత్నంగా చేసి నరేష్ పవిత్రలు సోషల్ మీడియాలో అందరి దృష్టిని ఆకర్షించారు. ఇద్దరూ కలిసి నటించిన సినిమా కావడంతో వారి బంధం, పెళ్లి గురించి అనేక సంచలన వ్యాఖ్యలు చేసి ట్రోల్ కూడా అయ్యారు. తాజాగా ఈ చిత్రం తెలుగు ఓటీటీ ఆహాలోనూ స్ట్రీమింగ్ కానుంది. అందకు ఈ నెల 23వ తేదీని ఫిక్స్ చేశారు.