ధనుష్ సినిమాలో నేషనల్ క్రష్..కాంబినేషన్ అదుర్స్

సౌత్ టు నార్త్ రష్మికకు ఉన్న క్రేజే వేరు. వరుస ప్రాజెక్టులతో టాలీవుడ్, బాలీవుడ్‎లో పుల్ బిజీ హీరోయిన్ అయిపోయింది ఈ బ్యూటీ. ఓ వైపు పుష్ప 2లో అల్లు అర్జున్ సరసన నటిస్తూనే..మరోవైపు రణబీర్ కపూర్‎తో యానియల్ సినిమా చేస్తూ క్షణం తీరిక లేకుండా గడుపుతోంది నేషనల్ క్రష్. ఇదే టైంలో రష్మికకు మరో బంపర్ ఆఫర్ వచ్చింది. టాలీవుడ్ స్టార్ డైరెక్టర్ శేఖర్ కమ్ముల ,తమిళ సూపర్ స్టార్ ధనుష్ కాంబినేషన్‎లో వచ్చే మూవీలో హీరోయిన్‎గా ఆఫర్‎ను కొట్టేసింది రష్మిక. తన ట్విటర్ అకౌంట్‎లో ఈ చిన్నది ధనుష్ 51వ సినిమా పోస్టర్‎ను షేర్ చేసి అధికారికంగా ప్రకటించింది.

కన్నడ సినిమా కిరిక్ పార్టీతో ఇండస్ట్రీలోకి ఎంట్రీ ఇచ్చింది రష్మిక. ఆ తర్వాత నాగశౌర్య హీరోగా నటించిన ఛలో సినిమాతో తెలుగు ఇండస్ట్రీకి పరిచయమైంది. రౌడీ బాయ్ విజయ్ దేవరకొండతో కలిసి చేసిన గీతా గోవిందం సినిమా బాక్సాఫీస్‎లో బ్లాక్ బస్టర్ హిట్ సాధించడంతో ఒక్కసారిగా ఈ బ్యూటీ యూత్‎కు బాగా కనెక్ట్ అయ్యింది. ఈ సినిమా తర్వాత రష్మికకు వరుస ఆఫర్లు క్యూ కట్టాయి. తెలుగుతో పాటు తమిళ ఫిల్మ్ మేకర్స్ అమ్మడి కాల్షీట్ల కోసం పోటీ పడ్డారు. తమిళంలోనూ స్టార్ హీరోలతో జోడీ కట్టి అక్కడ కూడా తన టాలెంట్‎ను నిరూపించుకుంది రష్మిక .ఈ క్రమంలోనే అల్లు అర్జున్‎తో నటించిన పుష్పా సూపర్ డూపర్ హిట్ కావడంతో అమ్మడి లెవెల్ ఒక్కసారిగా మారిపోయింది. లేటెస్టుగా ఇప్పుడు 'డి51' సినిమాలో తమిళ సూపర్ స్టార్ ధనుష్‏తో జత కట్టే అవకాశాన్ని కొట్టేసింది. ఇందుకు సంబంధించిన పోస్టర్‎ను సోషల్ మీడియా వేదికగా షేర్ చేసింది రష్మిక. దీంతో ఫ్యాన్స్ రష్మికకు కంగ్రాట్స్ చెబుతున్నారు.

Beginning of a new journey.💃🏻❤️#D51

A @sekharkammula film 🎥@dhanushkraja @AsianSuniel @puskurrammohan #AmigosCreations @SVCLLP pic.twitter.com/dQFghtqd6R

— Rashmika Mandanna (@iamRashmika) August 14, 2023