NBK 108 మూవీ టైటిల్.. బాలయ్య ఊర మాస్ లుక్.. భగవంత్ కేసరి

నందమూరి​ నటసింహం బాలకృష్ణ.. 108 సినిమా నుంచి క్రేజీ అప్డేట్ వచ్చింది. ప్రస్తుతం ఈ సినిమా షూటింగ్​లో బిజీగా ఉన్నారు బాలయ్య. దసరా కానుకగా ఈ సినిమాను చిత్రనిర్మాతలు విడుదల చేసేందుకు ప్లాన్ చేస్తున్నారు. అయితే ఇప్పటికే విడుదలైన రెండు పోస్టర్లతో అభిమానులకు గూస్​బంప్స్​ తెప్పించిన మూవీ టీమ్.. ​ తాజాగా అదిరిపోయే అప్డేట్ ఇచ్చింది. ఈ సినిమా టైటిల్​ కోసం ఎంతో ఆసక్తిగా ఎదురుచూస్తున్న అభిమానులకు టైటిల్​ పోస్టర్​ను రిలీజ్ చేసి మాంచి కిక్ ఇచ్చింది. ఈ సినిమాకు 'భగవంత్ కేసరి' అనే టైటిల్​ను ఫిక్స్ చేసింది. పోస్టర్​లో బాలయ్య పవర్​ఫుల్​ లుక్​లో కనిపిస్తున్నారు.

ఇక సినిమా విషయానికి వస్తే.. అనిల్​ రావిపుడి దర్శకత్వంలో వస్తున్న ఈ భారీ యాక్షన్​ మూవీలో బాలకృష్ణ డిఫరెంట్​ షేడ్స్​ ఉన్న రోల్​లో నటిస్తున్నారు. బాలయ్యకు జోడీగా కాజల్ అగర్వాల్ నటిస్తున్నారు. యంగ్​ హీరోయిన్​ శ్రీలీలతో పాటు, తమిళ స్టార్​ హీరో శరత్ కుమార్ ఈ సినిమాలో కీలక పాత్రలు పోషిస్తున్నారు. బాలీవుడ్ నటుడు అర్జున్ రాంపాల్ ఈ సినిమాలో విలన్ రోల్ చేస్తున్నారు. ''విజయ దశమికి ఆయుధ పూజ'' అంటూ దసరా కానుకగా ఈ సినిమా విడుదల కానుంది. షైన్ స్క్రీన్స్ పతాకంపై హరీష్ పెద్ది, సాహు గారపాటి ఈ చిత్రాన్ని సంయుక్తంగా నిర్మిస్తున్నారు.