అత్తారింటికి వెళ్లగానే ఆ పని చేసిన రకుల్.. కామెంట్స్ వైరల్
టాలీవుడ్ స్టార్ హీరోయిన్ రకుల్ ప్రీత్ సింగ్ ఈ మధ్యనే వివాహ బంధంలోకి అడుగుపెట్టిన సంగతి తెలిసిందే. బాలీవుడ్ నిర్మాత జాకీ భగ్నానీని ఆమె వివాహం చేసుకున్నారు. ఫిబ్రవరి 22వ తేదిన గోవాలోని ఓ ప్రైవేట్ హోటల్‌లో వారికి పెళ్లి జరిగింది. సినీ ప్రముఖులు, కుటుంబీకులు, సన్నిహితుల మధ్య వారి వివాహ వేడుక జరిగింది. వివాహం అనంతరం రకుల్ తన అత్తారింట్లో అడుగుపెట్టారు. సంప్రదాయం ప్రకారంగా మెట్టినింట్లో తొలిసారి రకుల్ ఓ పని చేశారు.
తన అత్తారింట్లో తొలిసారి రకుల్ హల్వా తయారు చేశారు. ప్రస్తుతం రకుల్ హల్వా చేసిన ఫోటోలు సోషల్ మీడియాలో వైరల్ అవుతున్నాయి. ఆ ఫోటోలకు నెటిజన్లు కామెంట్స్ చేస్తున్నారు. సంప్రదాయం ప్రకారంగా మెట్టినింట అడుగుపెట్టిన కొత్త కోడలు పెళ్లైన రెండో రోజు ఏదైనా స్వీట్ చేయాల్సి ఉంటుంది. హల్వా, ఖీర్ వంటివి చేస్తుంటారు. దానినే చౌకా చర్దానా అని అంటారు. ఆ సంప్రదాయంలో భాగంగానే రకుల్ స్వయంగా సూజీ కా హల్వాను తయారు చేసి అత్తింటివారికి రుచి చూపారు.
ఇకపోతే రకుల్, జాకీ భగ్నానీల వివాహం పంజాబీ ఆనంద్ కరాజ్, సింధీ సంప్రదాయాల ప్రకారంగా జరిగింది. ఆ పెళ్లి వేడుకకు పలువురు బాలీవుడ్ సెలబ్రిటీలు హాజరై నూతన దంపతులను ఆశీర్వదించారు. రకుల్ ప్రీత్ సింగ్ చివరిసారిగా తెలుగులో కొండ పొలం అనే సినిమాలో నటించింది. ప్రస్తుతం ఆమె కమల్ హాసన్ నటిస్తున్న ఇండియన్2 సినిమాలో నటిస్తున్నారు. బాలీవుడ్ లోనూ ఓ ప్రాజెక్ట్ చేస్తున్నారు.
