వెండి తెరపై మరో రామాయణం.. సీతగా సాయి పల్లవి

రామాయణ గాధతో.. వెండి తెరపై ఎన్ని సినిమాలు వచ్చినా.. ప్రతీది ప్రత్యేకమే. ప్రస్తుతం.. అదే కథపై విజువల్ వండర్ గా ఆదిపురుష్ రాబోతోంది. అయితే, త్వరలో మరొక సినిమా రాబోతున్నట్లు వార్తుల వినిపిస్తున్నారు. ఈ సినిమాలో నాచురల్ స్టార్ సాయి పల్లవి సీత పాత్ర పోషిస్తున్నట్లు.. సోషల్ మీడియాలో వార్తలు చక్కర్లు కొడుతున్నాయి. ఈ ప్రాజెక్ట్ ను బాలీవుడ్ డైరెక్టర్ నితీష్ తివారీ తెరకెక్కించబోతున్నట్లు సమాచారం.

అంతేకాదు ఈ సినిమాలో రాముడిగా రణ్ బీర్ కపూర్, రావణుడిగా హృతిక్ రోషన్ చేయనున్నారట. అయితే, ఈ ప్రాజెక్ట్ పై అధికారిక ప్రకటన రావాల్సి ఉంది. డైరెక్టర్ నితీష్ తివారీ ప్రస్తుతం వరుణ్ ధావన్, జాన్వీ కపూర్ జంటగా నటిస్తున్న.. బవాల్ సినిమాలో బిజీగా ఉన్నాడు. శరవేగంగా షూటింగ్ పూర్తి చేసుకుంటున్న ఈ సినిమా.. త్వరలో ప్రేక్షకుల ముందుకు రాబోతోంది. ఈ సినిమా పూర్తయిన వెంటనే.. నితీష్ రామాయణం స్టోరీపై ఫోకస్ చేయనున్నాడట. అయితే, తను తెరకెక్కించబోయే సినిమాకు రామాయణంలోని ఏ ఘట్టాన్ని తీసుకుంటాడనేది ఇంకా సస్పెన్స్ గానే ఉంది.