Devara Movie : దేవర సినిమాపై అప్డేట్ ఇచ్చిన చిత్ర బృందం
ఆర్ఆర్ఆర్ సినిమా లాంటి గ్లోబల్ హిట్ తర్వాత.. ఎన్టీఆర్ నటిస్తున్న సినిమా దేవర. కొరటాల శివ డైరెక్షన్ లో వస్తున్న ఈ సినిమాను నందమూరి కళ్యాణ్ రామ్, మిక్కిలినేని సుధాకర్ కలిసి నిర్మిస్తున్నారు. జాన్వీ కపూర్ కథానాయిక. భారీ బడ్జెట్ తో, పాన్ ఇండియా లెవల్ లో వస్తున్న ఈ సినిమా కోసం ప్రేక్షకులు ఎంతగానో ఎదురుచూస్తున్నారు. ఫస్ట్ లుక్ పోస్టర్స్ తోనే భారీగా హైప్ క్రియేట్ చేసిన ఈ సినిమా నుంచి టీజర్ కూడా ఇంత వరకు రాలేదు. దీంతో అభిమానుల్లో తీవ్ర నిరాశ మొదలైంది. ఈ క్రమంలో అభిమానులకు న్యూఇయర్ కానుకగా.. మాంచి కిక్కిచ్చే వార్తను దేవర చిత్ర బృదం అనౌన్స్ చేసింది.
సినిమాపై వస్తున్న అన్ని రూమర్స్ కు చెక్ పెడుతూ.. టీజర్ విడుదల న్యూస్ ను అనౌన్స్ చేసింది. దేవర ఫస్ట్ గ్లింప్స్ జనవరి 8న విడుదల చేస్తున్నట్లు ప్రకటించారు. ఇదే విషయాన్ని ఎన్టీఆర్ సోషల్ మీడియా వేదికగా అభిమానులతో పంచుకున్నాడు. ఆ పోస్ట్ లో మాస్ అవతారంలో, పవర్ ఫుల్ లుక్ లో తారక్ కనిపిస్తున్నాడు. కాగా సముద్రం, జాలరి అంశంలో సినిమా తెరకెక్కుతున్న విషయం తెలిసిందే. రెండు పార్టులుగా విడుదల చేస్తున్నట్లు డైరెక్టర్ కొరటాల శివ ఇప్పటికే ప్రకటించాడు.
అందరికీ నూతన సంవత్సర శుభాకాంక్షలు! Wishing you all a very Happy New Year.
— Jr NTR (@tarak9999) January 1, 2024
Can’t wait for you all to experience the glimpse of #Devara on Jan 8th. pic.twitter.com/RIgwmVA6e0
