కొంచెం కామెడీ.. కొంచెం ఎమోషనల్.. కన్ఫ్యూజన్గా బ్రో ట్రైలర్
మామ-అల్లుళ్లు పవన్ కల్యాణ్, సాయిధరమ్ తేజ్ కలిసి నటిస్తున్న సినిమా ‘బ్రో’. సముద్రఖని దర్శకత్వం వహిస్తున్నాడు. తమిళంలో విజయాన్ని అందుకున్న ‘వినోదాయ సిథం’కు రీమేక్‌గా ‘బ్రో’ సినిమా రోబోతోందన్న విషయం తెలిసిందే. మీడియా ఫ్యాక్టరీ, జీ స్టూడియోస్‌ సంయుక్తంగా ఈ చిత్రాన్ని నిర్మిస్తున్నాయి. జులై 28న ఈ సినిమా ప్రేక్షకుల ముందుకు రాబోతుండగా.. శనివారం (జులై 22) సినిమా ట్రైలర్ ను లాంచ్ చేసింది మూవీ యునిట్. టీజర్‌ లాగే ట్రైలర్ కూడా యూట్యూబ్ లో దూసుకుపోతోంది. వింటేజ్ పవన్ ఈ సినిమాలో కనిపిస్తున్నాడని టాక్. సాయి ధరమ్ తేజ్ కూడా, మామకు పోటీనిచ్చే అవకాశం కనిపిస్తోంది.
అయితే, వినోదాయ సిథం సినిమా కథ తెలియని వాళ్లు.. బ్రో సినిమా ట్రైలర్ చూసి కన్ ఫ్యూజన్ లో పడుతున్నారు. పవన్ ఈ సినిమాలో దేవుడా? గోపాల గోపాల సినిమాలో లాగ అవతారం ఎత్తుతాడా అని చర్చించుకుంటున్నారు. అసలు ఈ టైం కాన్సెప్ట్ ఏంటి? సాయి ధరమ్ తేజ్ పాత్ర ఏంటి? సినిమాలో పవన్ క్యారెక్టర్ ఏలా ఉంటుందని.. తలపట్టుకుని కూర్చుంటున్నారు. ఏదేమైనా ఈ సినిమాలో సాయిధరమ్ తేజ్ రియాక్షన్స్, బ్రహ్మానందం కామెడీ, పవన్ కళ్యాణ్ ప్రజెన్స్ ప్లస్ పాయింట్స్ అయ్యే అవకాశం కనిపిస్తోంది.
