అదరగొడుతున్న బ్రో.. ఫస్ట్ డే కలెక్షన్స్ ఎంతంటే..?

పవన్, సాయిధరమ్ తేజ్ కాంబినేషన్లో వచ్చిన మూవీ బ్రో. నిన్న రిలీజైనా ఈ మూవీ పాజిటివ్ టాక్తో దూసుకెళ్తోంది. అదరగొట్టే కలెక్షన్లతో బాక్సాఫీస్ వద్ద పవన్ తన స్టామినా చూపించారు. ప్రపంచవ్యాప్తంగా 1600 థియేటర్లలో రిలీజైన ఈ మూవీ.. ఫస్ట్ రోజు సుమారు 48 కోట్ల గ్రాస్ కొల్లగొట్టగా.. 38కోట్ల షేర్ రాబట్టింది. తెలుగు రాష్ట్రాల్లో ఈ మూవీ 23.5 కోట్ల షేర్ వచ్చినట్లు తెలుస్తోంది. పవన్ గత సినిమా భీమ్లా నాయక్ తెలుగు రాష్ట్రాల్లో 26కోట్ల షేర్ సాధించింది.

బ్రో మూవీకి 98కోట్ల థియేట్రికల్ బిజినెస్ జరిగినట్లు తెలుస్తోంది. అంటే ఈ సినిమాకు 100 కోట్లు వస్తేనే డిస్ట్రిబ్యూటర్లు, ఎగ్జిబ్యూటర్లు గట్టెక్కుతారన్నమాట. అయితే తొలిరోజే ఈ మూవీ అందులో 30శాతాన్ని రికవరీ చేసింది. వీకెండ్స్ కావడంతో ఇవాళ, రేపు కలెక్షన్లు మరింత పెరిగే అవకాశం ఉంది. దీంతో అనుకున్నట్లుగానే టార్గెట్ను రీజ్ అవుతుందని ట్రేడ్ వర్గాలు చెబుతున్నాయి. అయితే ఈ మూవీకి టిక్కెట్ రేట్లు పెంచలేదు. నార్మల్ బడ్జెట్తో తీశామని.. రేట్లు పెంచకపోవడంతో కలెక్షన్లపై ప్రభావం పడే అవకాశం ఉంది.

బ్రో సినిమా.. మూడేళ్ల క్రితం విడుదలైన వినోదయ సిత్తం అనే తమిళ చిత్రానికి ఇది రిమేక్. అయితే పవన్ కల్యాణ్ను దృష్టిలో పెట్టుకుని స్క్రిప్ట్లో చాలా మార్పులు చేశారు. మార్క్ క్యారెక్టర్ను ఆటపట్టిస్తూ పవన్ కల్యాణ్ చేసే హంగామా సినిమాకు హైలైట్గా నిలిచిందని టాక్. ఈ మూవీని సముద్రఖని డైరెక్ట్ చేయగా.. త్రివిక్రమ్ స్క్రిప్ట్ అందించారు. కేతికా శర్మ హీరోయిన్గా నటించగా.. థమన్ సంగీతాన్ని అందించాడు.