‘OG’ వచ్చేశాడు.. పవర్ స్టార్స్ ఫ్యాన్స్ కు పండగే
పవన్ కల్యాణ్ అభిమానులు ఎప్పుడెప్పుడా అని ఎదురుచూస్తున్న అప్‌డేట్‌ వచ్చేసింది. పవర్ స్టార్ వీరాభిమానుల్లో ఒకరైన సుజీత్.. మాఫియా నేపథ్యంలో యాక్షన్ డ్రామాగా ఈ మూవీని తెరకెక్కిస్తున్నారు. పవన్ కళ్యాణ్ (Pawan Kalyan Gangster Movie)కి ఇష్టమైన జానర్ ఇది. ఈ సినిమాకు సంబంధించిన ‘ఓజీ’ (OG) గ్లింప్స్‌ను మేకర్స్ విడుదల చేశారు. నేడు పవన్ పుట్టినరోజు సందర్భంగా విషెస్‌ చెబుతూ రిలీజ్ చేసిన ఈ గ్లింప్స్ ఆకట్టుకుంటోంది. ఎప్పటిలానే పవన్ తన లుక్స్‌, డైలాగ్‌తో ఫ్యాన్స్‌కు ఫుల్ ట్రీట్‌ ఇచ్చారు. ఈ చిత్రంలో పవన్‌కు (Pawan kalyan) జోడిగా ప్రియాంక అరుళ్‌ మోహన్‌ కనించనుంది.
ఈ గ్లింప్స్ లో.. ”పదేళ్ల క్రితం బాంబేలో వచ్చిన తుఫాన్ గుర్తుందా. అది మ‌ట్టి, చెట్లతో పాటు సగం ఊరినే మింగేసింది. కానీ వాడు న‌రికిన మనుషుల రక్తాన్ని మాత్రం ఇప్పటికి ఏ తుఫాన్ కడగకలేకపోయింది. ఇట్ వాస్ ఏ ఫ్రీకింగ్ బ్ల‌డ్ బాత్. అలాంటోడు మళ్లీ తిరిగివస్తున్నాడంటే.. సాలా షైతాన్ అజాయేగా అంటూ” బ్యాక్ గ్రౌండ్‌లో చెబుతున్న అర్జున్ దాస్ వాయిస్ ఓవర్‌తో గ్లింప్స్ సాగింది. కాగా పవన్ పుట్టినరోజు సందర్భంగా విషెస్‌ చెబుతూ విడుదల చేసిన ఈ గ్లింప్స్ ఫ్యాన్స్‌ను ఆకట్టుకుంటోంది. ఇక ఈ గ్లింప్స్‌లో పవన్ కల్యాణ్ గ్యాంగ్‌స్ట‌ర్‌గా స్ట‌యిలిష్ లుక్‌లో కొత్త‌గా కనిపిస్తున్నాడు.
పేరుకు తగ్గట్టు చిరుత పులిలా పవన్ వేట సాగింది. ఓ ఫ్యాన్ బాయ్‌గా ఫ్యాన్స్ ఏం కోరుకుంటారో ఆ అంశాలను చూపించారు సుజీత్. పవన్ కళ్యాణ్ స్వాగ్ (Pawan Kalyan Swag)కు తోడు థమన్ నేపథ్య సంగీతం, విజువల్స్, సుజీత్ డైరెక్టన్ తోడు కావడంతో ఈ గ్లింప్స్ అభిమానులకు ఫుల్ కిక్ ఇస్తుందని చెప్పవచ్చు. సాధారణ ప్రేక్షకులకు కూడా గూస్‌ బంప్స్‌ గ్యారెంటీ అని చెప్పవచ్చు. ఈ సినిమాను డీవీవీ ఎంటర్‌టైన్‌మెంట్ పతాకంపై శ్రీమతి పార్వతి సమర్పణలో డీవీవీ దానయ్య 'ఓజీ' చిత్రాన్ని నిర్మిస్తున్నారు. 'ఆర్ఆర్ఆర్ : రౌద్రం రణం రుధిరం' తర్వాత ఆయన నిర్మిస్తున్న చిత్రమిది. 'సాహో' తర్వాత సుజీత్ దర్శకత్వం వహిస్తున్న సినిమా ఇదే.
