ఆదిపురుష్.. థియేటర్ అద్దాలు పగలగొట్టిన ప్రభాస్ ఫ్యాన్స్

ఆదిపురుష్ మూవీ ప్రపంచవ్యాప్తంగా గ్రాండ్గా రిలీజైంది. ప్రభాస్ రాముడిగా నటించిన ఈ మూవీని చూసేందుకు ఫ్యాన్స్ థియేటర్లకు పోటెత్తారు. రెండు తెలుగు ఏ సినిమా థియేటర్ చూసినా ప్రభాస్ భారీ కటౌట్లు, ఫ్యాన్స్ హంగామాతో దద్దరిల్లిపోతోంది. అయితే సినిమా కోసం ఎంతో ఆత్రుతగా ఎదురుచూస్తున్న అభిమానులు సినిమాను ఆలస్యంగా ప్రదర్శించారని ఓ థియేటర్ అద్దాలు ధ్వంసం చేశారు. సంగారెడ్డి జిల్లా రామచంద్రాపురంలోని జ్యోతి థియేటర్‌లో ఈ ఘటన జరిగింది.

సినిమా ప్రదర్శన ఆలస్యం కావడంతో అభిమానులు గొడవకు దిగారు. థియేటర్ యాజమాన్యం సర్ది చెప్పడంతో గొడవ సద్దుమణిగింది. అయితే, సినిమా ప్రారంభమయ్యాక సౌండ్ సిస్టం సరిగా లేక డైలాగులు అర్థం కావడం లేదంటూ ఫ్యాన్స్ మళ్లీ గొడవకు దిగారు. ఆగ్రహంతో ఊగిపోతూ థియేటర్ అద్దాలను పగలగొట్టారు. దీంతో థియేటర్ యాజమాన్యం సినిమా ప్రదర్శనను నిలిపివేసింది.

ప్రపంచవ్యాప్తంగా గ్రాండ్ గా రిలీజైన ఈ మూవీ భారీ ఓపెనింగ్స్ ను కొల్లగొట్టింది. అయితే ఈ సినిమాకు మిక్స్డ్ టాక్ వస్తోంది. ఆదిపురుష్ కథ కంటే విజువల్స్ ప్రేక్షకులను ఆకట్టుకున్నాయనే టాక్ వినిపిస్తోంది. డైరెక్టర్ విజువల్స్ కు తప్ప.. భావోద్వేగాలను పట్టించుకోలేదనే విమర్శలు వస్తున్నాయి. అయితే ప్రభాస్ మాత్రం రాముడి పాత్రలో అదరగొట్టాడంటూ ఫ్యాన్స్ ఫుల్ ఖుషీ అవుతున్నారు.