సలార్ మూవీ మొత్తం లీక్ ..!

పాన్ ఇండియా స్టార్ ప్రభాస్ రేంజ్ ఏంటో ప్రత్యేకంగా చెప్పాల్సిన అవసరం లేదు .. బాహుబలితో ప్రపంచ వ్యాప్తంగా క్రేజ్ సొంతం చేసుకున్నాడు డార్లింగ్. ప్రస్తుతం ప్రశాంత్ నీల్ దర్శకత్వంలో సలార్ అనే చిత్రంలో నటిస్తున్నాడు. ఈ సినిమాపై ఆడియెన్స్‎లో భారీ హైప్ నెలకొంది. ప్రశాంత్ నీల్ కెజిఎఫ్ సిరీస్‎తో టాప్ డైరెక్టర్‎గా మారిపోయాడు. అలాంటి దర్శకుడు, ప్రభాస్ వంటి పాన్ ఇండియా హీరోతో చేస్తున్న సినిమా కావడంతో ప్రేక్షకుల అంచనాలు భారీగా ఉన్నాయి. ఇక సలార్ చిత్రానికి ఎంతటి క్రేజ్ ఉందో చెప్పేందుకు.. మూవీ ప్రీ రిలీజ్ బిజినెస్ ఒక నిదర్శనం. యూఎస్‎లో అప్పుడే అడ్వాన్స్ బుకింగ్స్ కూడా మొదలయ్యాయి. ఇప్పటికే వన్ మిలియన్ వసూళ్లను దాటేసింది. ఇక ఓపెనింగ్ డే సలార్ రూ.200 కోట్లు వసూళ్లను ఈజీగా అధిగమిస్తుందని ట్రేడ్ వర్గాలు అంచనా వేస్తున్నాయి. ఇదిలా ఉంటే తాజాగా ఈ చిత్రం గురించి ఓ ఆసక్తికరమైన అప్డేట్ బయటకు వచ్చింది. సలార్ కూడా కెజిఎఫ్ కథలో భాగమే అని ఇండస్ట్రీలో గుసగుసలు వినిపిస్తున్నాయి.

సలార్ మూవీపై, వస్తున్న రూమర్స్‎పై యూనిట్ మాత్రం ఇప్పటివరకు ఎలాంటి క్లారిటీ ఇవ్వలేదు. కానీ , కెజిఎఫ్ యూనివర్స్‏లో భాగంగా సలార్ తెరకెక్కిందని తెలుస్తుంది. సలార్‎లో విలన్ గా మలయాళ స్టార్ పృథ్విరాజ్ సుకుమారన్ కనిపించనున్నారు. ఆయనకు ఎక్కువగా స్క్రీన్ స్పేస్ ఉంటుందని తెలుస్తుంది . ఫస్ట్ హాఫ్‎లో ఎక్కువ భాగం పృథ్విరాజ్ మీదే నడుస్తుందనేది టాక్ . సెకండ్ హాఫ్‎లో ప్రభాస్ లెవల్ ఏంటో చూపించేలా ఉంటుందట. అలాగే సలార్‎కి మరికొన్ని పార్ట్స్ కూడా ఉంటాయని తెలుస్తుంది. ఇప్పటికే దీనిపై జగపతిబాబు స్వయంగా క్లారిటీ కూడా ఇచ్చారు . సలార్ టీజర్‎లో కూడా ఒక హింట్ ఇచ్చారు . కెజిఎఫ్ మూవీకి సంబంధించిన ఆనవాళ్లు సలార్ టీజర్లో ఉన్నాయి. కనుక కెజిఎఫ్ కథలో భాగంగా సలార్ తెరకెక్కుతోందని స్పష్టమవుతుంది . ఇక ఈ చిత్రంలో ప్రభాస్‏కి జంటగా శృతి హాసన్ నటిస్తుంది. సెప్టెంబర్ 28న వరల్డ్ వైడ్‎గా సలార్ విడుదల కానుంది. కేజీఎఫ్‎ను మించేలా సాలార్ ఉంటుంది అని ప్రభాస్ ఫ్యాన్స్ అంచనాలు వేస్తున్నారు.