ప్రభాస్ ఫ్యాన్స్ కు గిఫ్ట్

ప్రభాస్ కెరీర్ లో ఛత్రపతి స్థానం ప్రత్యేకం. ఈ మూవీకి ముందు అతను ఓ సాధారణ హీరో. టాప్ ఫైవ్ లిస్ట్ లో అస్సలు లేడు. టైర్ టూ హీరోల్లో ఒకడుగా ఉన్నాడు. బట్ ఛత్రపతి అతని రేంజ్ ను మార్చింది. రాజమౌళి డైరెక్ట్ చేసిన ఈ మూవీతో మాస్ హీరోగా అవతరించాడు. తనకంటూ సెపరేట్ గా మాస్ ఫ్యాన్ బేస్ స్టార్ట్ అయింది కూడా ఈ మూవీ నుంచే. అందుకే ఛత్రపతి అతని కెరీర్ లోనే ఒక స్పెషల్ మూవీ. అలాంటి సినిమాను మళ్లీ విడుదల చేయబోతున్నారు ఫ్యాన్స్.

ప్రభాస్ ఇప్పుడు ప్యాన్ ఇండియన్ స్టార్. ప్రపంచ వ్యాప్తంగానూ గుర్తింపు తెచ్చుకున్న టాప్ హీరో. ఇండియాస్ టాప్ హీరోస్ లిస్ట్ లో ఉన్నాడు. బట్ ఛత్రపతికి ముందు టాలీవుడ్ లో అతను టైర్ టూ హీరో అంటే అతిశయోక్తేం కాదు.. వాస్తవం కూడా. ఛత్రపతితో ప్రభాస్ లోని మాస్ హీరోను పూర్తిగా ఆవిష్కరించాడు జక్కన్న. అయితే ఈ మూవీ సెకండ్ హాఫ్ బోరింగ్ గానే ఉన్నా.. ప్రీ క్లైమాక్స్ నుంచి ప్రభాస్ లోని మంచి నటుడుని కూడా చూస్తాం. అలా ఒక్కో మెట్టూ ఎక్కుతూ టాలీవుడ్ టాప్ ఫైవ్ లోకి వచ్చాడు. ఇప్పుడు ఇండియా నుంచి టాప్ ఫైవ్ లో ఉన్నాడు. అలా రేంజ్ ను మార్చుకోవడం అందరికీ సాధ్యం కాదు. అఫ్ కోర్స్ ఈ రేంజ్ వెనక ఉన్నది కూడా రాజమౌళి అనేది అందరికీ తెలుసు. బాహుబలి రెండు భాగాలతో ప్రపంచ ప్రేక్షకులకూ చేరువయ్యాడు. ఫ్యాన్ బేస్ కూడా దేశవ్యాప్తంగా భారీగా పెరిగింది. అయితే తెలుగు అభిమానులకు మాత్రం ఛత్రపతి అంటే ఒక ఎమోషన్. అందుకే ప్రభాస్ బర్త్ డే సందర్భంగా ఈ సోమవారం రోజు ఛత్రపతిని రీ రిలీజ్ చేయబోతున్నారు. అదే రోజు ప్రభాస్ నుంచి కూడా సలార్, కల్కి చిత్రాల అప్డేట్స్ వస్తాయని చెబుతున్నారు. మొత్తంగా ఛత్రపతి రీ రిలీజ్ లో ఎలాంటి రిజల్ట్ చూస్తుందో..