సలార్ సక్సెస్.. ఆ గుడిలో ప్రత్యేక పూజలు చేసిన ప్రభాస్

బాహుబలి తర్వాత సలార్ తో బ్లాక్ బాస్టర్ హిట్ కొట్టాడు ప్రభాస్. ప్రశాంత్ నీల్ దర్శకత్వంలో వచ్చిన ఈ మూవీ రికార్డ్ కలెక్షన్స్తో దుమ్ము రేపింది. సలార్ మూవీ రిలీజ్ సమయంలో ఎటువంటి ప్రమోషన్స్ చేయలేదు. ఆ సమయంలో అసలు ప్రభాస్ బయట కన్పించలేదు. అయితే హఠాత్తుగా ఓ గుడిలో ప్రత్యక్షమయ్యారు. మంగళూరులోని శ్రీ దుర్గా పరమేశ్వరి ఆలయాన్ని ప్రభాస్ సందర్శించారు. సలార్ డైరెక్టర్ ప్రశాంత్ నీల్తో కలిసి అమ్మవారిని దర్శించుకుని ప్రత్యేక పూజలు చేశారు. ప్రస్తుతం దీనికి సంబంధించిన వీడియోలు నెట్టింట వైరల్గా మారాయి.

ప్రభాస్ చాలా రోజుల తర్వాత బయట కన్పించడంతో ఫ్యాన్స్ ఫుల్ ఖుషీ అవుతున్నారు. సలార్ సూపర్ హిట్ కావడంతో మూవీ యూనిట్ సెలబ్రేషన్స్ నిర్వహించింది. ఈ ఈవెంట్ కోసమే ప్రభాస్ కర్నాటక వెళ్లినట్లు తెలుస్తోంది. ఇందులో భాగంగా గుడిలో ప్రత్యేక పూజలు చేశారు. సలార్ చిత్రంలో ప్రభాస్ ఎలివేషన్లకు ఫ్యాన్స్ ఫిదా అయిపోయారు. ప్రభాస్ కటౌట్కు సెట అయ్యే సినిమా ఇది అంటూ కామెంట్లు చేశారు. ప్రాణ స్నేహితులుగా ఉండే ఇద్దరు వ్యక్తులు బద్ద శత్రువులుగా ఎలా మారారు అనే విషయంపై ఈ మూవీ తెరకెక్కింది. ఈ చిత్రంలో శ్రుతి హాసన్, ఈశ్వరీ రావు, జగపతి బాబు, శ్రియా రెడ్డి, బాబీ సింహా తదితరులు కీలక పాత్రలు పోషించారు. హోంబలే ఫిల్మ్స్ పతాకంపై ప్రొడ్యూసర్ విజయ్ కిరంగదూర్ ఈ చిత్రాన్ని నిర్మించారు. రవి బస్రూర్ సంగీతం అందించారు. ఇక ప్రభాస్ నటిస్తున్న మరో భారీ చిత్రం కల్కి 2898 ఏడీ మూవీ మే9న విడుదల కానుంది.