వెండితెర మీద ప్రజాకవి కాళోజీ బయోపిక్

తెలంగాణ అనగానే మొట్టమొదట గుర్తుకువచ్చే వ్యక్తి కాళోజీ. తెలంగాణ ఉద్యమానికి ప్రతినిధి ఈయన. హక్కుల కోసం పోరాటు చేసి, ఉద్యమాలు నడిపిన యోధుడు. ఇప్పుడు కాళోజీ మీద బయోపిక్ వస్తోంది. ప్రజాకవి కాళోజి అనే పేరుతో సినిమా రడీ అయింది.

సెప్టెంబర్ 9 కాళోజీ పుట్టినరోజు. ఇదే రోజు తెలంగాణ భాషా దినోత్సవం కూడా. అన్యాయాన్ని ధైర్యంగా ఎదురోడిన కలం వీరుడు కాళోజీని తెలంగాణ ప్రభుత్వం, ప్రజలకు ఎనలేని గౌరవం. ఈ ఉద్దేశంతోనే ప్రజాకవి అయిన కాళోజీ జీవితాన్ని వెండితెర మీద చూపించాలని డిసైడ్ అయ్యారు దర్శకుడు ప్రభాకర్ జైనీ. ఈయన ఇంతకు ముందు క్యాంపస్ అంపశయ్య, ప్రణయ వీధుల్లో, అమ్మా నీకు వందనలం లాంటి సినిమాలు తీశారు. స్వాతి వారపత్రిక వేమూరి బలరామ్ ఈ సినిమాను ప్రొడ్యూస్ చేస్తున్నారు.

కాళోజి పాత్రకు మూల విరాట్ అనే నటుడిని ఎంపిక చేశారు. ప్రజా కాళోజీగా మన ముందుకు వస్తున్న ఈ సినిమా చిత్రీకరణ కూడా పూర్తయిపోయింది. కాళోజీ పుట్టిన రోజు సెప్టెంబర్ 9న ఈ సినిమాను విడుదల చేయాలని మూవీ టీమ్ సన్నాహాలు చేస్తోంది.