HANU-MAN:విజువల్ ట్రీట్‌కు అంతా రెడీ.. ‘హనుమాన్’ ట్రైలర్ డేట్ ఫిక్స్
'హను మాన్'(Hanu Man)... టాలీవుడ్ ప్రేక్షకులు వేయికళ్లతో ఎదురుచూస్తున్న సినిమాల్లో ఇదీ ఒకటి. సంక్రాతి పండుగ రేస్‌లో ఉన్న ఈ సినిమా.. యంగ్ డైరెక్టర్ ప్రశాంత్ వర్మ దర్శకత్వంలో పాన్ వరల్డ్ స్థాయిలో విడుదల కాబోతోంది. టాలీవుడ్ యంగ్ హీరో తేజా సజ్జ (Teja Sajja) ఈ సినిమాలో హీరోగా నటిస్తున్నాడు. ఇప్పటివే విడుదలైన ఈ చిత్ర టీజర్ విజువల్ వండర్ గా నిలిచింది. మూవీపై భారీ హైప్ ను క్రియేట్ చేసింది. కుర్ర హీరో ఈసారి అద్భుతం చేయబోతున్నాడని ప్రముఖులు అంచనా వేస్తున్నారు. సరిగ్గా నెల రోజుల్లో ప్రేక్షకుల ముందుకు రాబోతున్న ఈ చిత్ర ప్రమోషన్స్ ను మేకర్స్ ప్రారంభించారు.
తాజాగా మూవీ టీమ్ అభిమానులు, ఆడియెన్స్ కు గుడ్ న్యూస్ చెప్పింది. ‘హనుమాన్’ నుంచి పవర్ ఫుల్ ట్రైలర్ (Hanuman Trailer)విడుదల చేయబోతున్నట్టు అనౌన్స్ చేశారు. డిసెంబర్ 19న ఈ ట్రైలర్ రాబోతుందని అధికారికంగా ప్రకటించారు. దీంతో అభిమానులు ఫుల్ ఖుషీ అవుతున్నారు. ఈ చిత్రంలోని విజువల్స్, గ్రాఫిక్ వర్క్, ఆకట్టుకునే సన్నివేశాలను వీక్షించేందుకు ఆడియెన్స్ ఎదురుచూస్తున్నారు. ఇక ప్రతి ఫెస్టివల్, స్పెషల్ డేస్ లో తేజా సజ్జా చిత్రం నుంచి ఏదోక అప్డేట్ వస్తూనే ఉంది. ఆ మధ్యలో చిల్డ్రన్స్ డే సందర్భంగా సర్ ప్రైజ్ ఇచ్చారు. చిత్రం నుంచి Super Hero Hanu Man అనే సాంగ్ ను విడుదల చేశారు. ప్రస్తుతానికి మూవీ నుంచి ఇదే మొదటి పాట కావడం విశేషం. ఈ చిత్రాన్ని పాన్ ఇండియా స్థాయిలో విడుదల చేస్తుండటంతో అప్డేట్లను కూడా అన్నీ భాషల్లో ప్రకటిస్తున్నారు.
ఇక ఈ సినిమా ఏకంగా 11 దేశాల్లో రిలీజ్ చేసేందుకు ఏర్పాట్లు జరుగుతున్నాయి. ఈ సినిమాలో హీరోయిన్ గా అమృత అయ్యర్ , ఇతర కీలక పాత్రల్లో వినయ్ రాయ్, వరలక్ష్మి శరత్‌కుమార్ కనిపించనున్నారు. ఈ చిత్రానికి అనుదీప్ దేవ్, హరి గౌర, కృష్ణ సౌరభ్ లు సంగీతాన్ని అందిస్తున్నారు. ప్రైమ్ షో ఎంటర్ టైన్మెంట్స్ బ్యానర్ పై కే. నిరంజన్ రెడ్డి నిర్మిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు. 2024 జనవరి 12న సంక్రాంతి కానుకగా ప్రేక్షకుల ముందుకు రానుందీ చిత్రం. అదే రోజున మహేష్ బాబు నటించిన గుంటూరు కారం సినిమా రిలీజ్ అవుతుంది. ఇదే సంక్రాంతి సీజన్ లో రవితేజ ఈగల్, నాగార్జున నా సామిరంగ, వెంకటేష్ సైంధవ్‌ సినిమాలు రిలీజ్ అవ్వనున్నాయి. ఈ సినిమాలని తట్టుకోని టాలీవుడ్ బాక్సాఫీస్ దగ్గర హనుమాన్ మూవీ ఏ మేరకు రాణిస్తుంది అనేది చూడాలి.
