Hanuman Trailer : తేజ సజ్జ హనుమాన్ ట్రైలర్ వచ్చేసింది..
'హను మాన్'(Hanu Man)... టాలీవుడ్ ప్రేక్షకులు వేయికళ్లతో ఎదురుచూస్తున్న సినిమాల్లో ఇదీ ఒకటి. సంక్రాతి పండుగ రేస్‌లో ఉన్న ఈ సినిమా.. యంగ్ డైరెక్టర్ ప్రశాంత్ వర్మ దర్శకత్వంలో పాన్ వరల్డ్ స్థాయిలో విడుదల కాబోతోంది. టాలీవుడ్ యంగ్ హీరో తేజా సజ్జ (Teja Sajja) ఈ సినిమాలో హీరోగా నటిస్తున్నాడు. ఇప్పటికే టీజర్‌తో.. తెలుగు ప్రేక్షకులతో సహ యావత్ సినీ అభిమానుల్లో భారీ అంచనాలు పెంచేశారు. కాసేపటి క్రితం రిలీజ్ అయిన ట్రైలర్ కూడా అంతకుమించి అన్నట్లుగా ఉంది. ట్రైలర్‌ని చూస్తుంటే.. ఈ సంక్రాంతికి తేజ, ప్రశాంత్ వర్మ ఇద్దరూ కలిసి హిట్టు కొట్టేలా అనిపిస్తోంది
ట్రైలర్ లో.. ఒక పల్లెటూళ్ళో ఉండే తేజ సజ్జకి అసమాన శక్తి సామర్థ్యాలు ఉంటాయి. మరో వైపు ఓ విలన్ దేని కోసమో ఇలాంటి శక్తి సామర్థ్యాలు కావాలని ప్రయోగాలు చేస్తూ ఉంటాడు. అతనికి హీరో గురించి తెలిసి ఇక్కడికి వచ్చి అతనిపై దాడి చేస్తే హీరోని హనుమంతుడు ఎలా కాపాడాడు ఆ తర్వాత ఏం జరిగింది అనే విధంగా చూపించారు. ట్రైలర్ ఓపెనింగ్స్ షాట్ నుంచే మెస్మరైజ్ చేయడం స్టార్ట్ అయ్యింది. తేజ సజ్జా సూపర్ హీరోగా , వరలక్ష్మి శరత్ కుమార్ అతడి అక్క పాత్రలో నటించినట్లు ఉంది, ట్రైలర్ లో ఫైట్స్ కూడా చేస్తూ కనిపించింది. సముద్రఖని సరికొత్త గెటప్ లో కనిపించాడు. ఇక పవర్ ఫుల్ విలన్ గా వినయ్ రాయ్ నెగటివ్ షేడ్ లో కనిపిస్తున్నాడు. ట్రైలర్ లో సినిమాటోగ్రాఫి, బ్యాక్ గ్రౌండ్ స్కోర్, విజువల్ ఎఫెక్ట్స్.. ప్రతీ ఒక్కటి టాప్‌లో ఉన్నాయి. ముఖ్యంగా ట్రైలర్ ఎండ్ షాట్ లో హనుమంతుడు రివీల్ అయ్యే షాట్ గూస్ బంప్స్ తెప్పించేలా ఉంది. ట్రైలర్ లోనే ఈ షాట్ ఇలా ఉంటే థియేటర్స్ లో ప్రతి ఒక్కరితో జై హనుమాన్ అనిపించడం గ్యారెంటీ.
జనవరి 12న రిలీజ్ కి రెడీ అవుతున్న ఈ చిత్రాన్ని పాన్ ఇండియా స్థాయిలో విడుదల చేస్తుండటంతో అప్డేట్లను కూడా అన్నీ భాషల్లో ప్రకటిస్తున్నారు. ఇక ఈ సినిమా ఏకంగా 11 దేశాల్లో రిలీజ్ చేసేందుకు ఏర్పాట్లు జరుగుతున్నాయి. ఈ సినిమాలో హీరోయిన్ గా అమృత అయ్యర్ , ఇతర కీలక పాత్రల్లో వినయ్ రాయ్, వరలక్ష్మి శరత్‌కుమార్ కనిపించనున్నారు. ఈ చిత్రానికి అనుదీప్ దేవ్, హరి గౌర, కృష్ణ సౌరభ్ లు సంగీతాన్ని అందిస్తున్నారు. ప్రైమ్ షో ఎంటర్ టైన్మెంట్స్ బ్యానర్ పై కే. నిరంజన్ రెడ్డి నిర్మిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు. 2024 జనవరి 12న సంక్రాంతి కానుకగా ప్రేక్షకుల ముందుకు రానుందీ చిత్రం. అదే రోజున మహేష్ బాబు నటించిన గుంటూరు కారం సినిమా రిలీజ్ అవుతుంది. ఇదే సంక్రాంతి సీజన్ లో రవితేజ ఈగల్, నాగార్జున నా సామిరంగ, వెంకటేష్ సైంధవ్‌ సినిమాలు రిలీజ్ అవ్వనున్నాయి.
