ప్రభాస్ ఫ్యాన్స్ కు బిగ్ సర్ప్రైజ్ ఇచ్చిన ప్రాజెక్ట్ కె మేకర్స్

ప్రభాస్ అభిమానులకు జులై నెల పండగలా ఉంది. మొన్న విడుదల అయిన సలార్ టీజర్ తో ఫుల్ జోష్ లో ఉన్న ఫ్యాన్స్ కు ప్రాజెక్ట్ కె మేకర్స్ బిగ్ సర్ ప్రైజ్ ఇచ్చారు. సినిమా టైటిల్ ఇంకా గ్లింప్స్ ను ఈ నెల 20న విడుదల చేస్తామని అనౌన్స్ చేశారు.

నాగ అశ్విన్ దర్శకత్వంలో ప్రభాస్ చేస్తున్న సినిమా ప్రాజెక్ట్ కె. ఇందులో దీపికా పడుకోన్ హీరోయిన్ గా నటిస్తుండగా అమితాబ్ బచ్చన్, కమల్ హసన్ లాంటి లెజండ్ లు యాక్ట్ చేస్తున్నారు. ఈ సినిమా పోస్టర్స్ ఇప్పటికే ఇంట్రస్టింగ్ ఉంది సినిమా మీద అంచనాలను పెంచేశాయి. ఇప్పుడు టైటిల్, గ్లింప్స్ కోసం ప్రభాస్ ఫ్యాన్స్ ఆత్రంగా ఎదురు చూస్తున్నారు. వీటి రిలీజ్ కు సంబంధించి ఎప్పటి నుంచో ప్రచారం జరుగుతోంది. దాన్ని సినిమా యూనిట్ అధికారికంగా ఇప్పుడు ప్రకటించారు.

ప్రాజెక్ట్ కె టైటిల్, గ్లింప్స్ ను ఇంటర్నేషనల్ వేదిక మీద రివీల్ చేయనున్నారు. అమెరికాలో జరిగే శాన్ డియాగో కామిక్ కాన్ వేడుకలో వీటిని ప్రదర్శించనున్నారు. దీంతో పాటు సినిమా రిలీజ్ డేట్ ను కూడా ప్రకటించనున్నారు. కామిక్ కాన్ వేడుకలు జులై 19 న ప్రారంభం అవనున్నాయి. మర్నాడు అంటే జులై 20న ఈ వేడుకల్లో ప్రభాస్, నాగ అశ్విన్, అమితాబ్, దీపికాలు పాల్గొంటున్నారు.

ఇప్పటివరకు ఇలా ఒక ఇంటర్నేషనల్ వేడుకలో ఏ తెలుగు సినిమా కు సంబంధించినవి విడుదల చేయలేదు. మొట్టమొదటిసారి ప్రాజెక్ట్ కె తెలుగు సినిమాకు దక్కిన గౌరవం ఇది. దీంతో ఎన్టీయార్, రామ్ చరణ్ తో పాటూ డార్లింగ్ క్రేజ్ కూడా విదేశాల్లో పాకుతుందని ప్రభాస్ అభిమానులు సంబరాలు చేసుకుంటున్నారు.