Rajinikanth as Governor :గవర్నర్గా రజినీకాంత్?...తమ్ముడు ఏమన్నారంటే..
టాలీవుడ్ సూపర్ స్టార్ రజనీకాంత్ నటించిన జైలర్ సినిమా బాక్సాఫీస్లో దూసుకుపోతోంది. ఈ ఏడాది అత్యధిక కలెక్షన్లు రాబట్టిన భారతీయ చిత్రంగా నిలిచింది. గత నెల రోజులుగా థియేటర్లలో జైలర్ హవా కొనసాగుతోంది. ఇదే క్రమంలో తాజాగా రజినీకాంత్కు సంబంధించి ఓ వార్త సోషల్ మీడియాలో దుమారం రేపుతోంది. త్వరలో రజినీకాంత్ గవర్నర్ కాబోతున్నారనే టాక్ జోరుగా వినిపిస్తోంది.
జైలర్ విడుదల తరువాత ఈ మధ్యనే కొద్ది రోజులు రజినీకాంత్ హిమాలయాల్లో సేదదీరారు. పలు ఆధ్యాత్మిక ప్రదేశాలకు సందర్శించడంతో పాటు యూపీ ముఖ్యమంత్రి యోగి ఆదిత్య నాధ్ను కలిశారు. అంతే కాదు ఆయన కాళ్లకు మొక్కారు. ఈ విషయంపై నెట్టింట్లో పెద్ద చర్చ జరిగింది. ఇదిలా ఉంటే ఇటీవలె జార్ఖండ్ గవర్నర్ సీపీ రాధాకృష్ణన్, తమిళనాడు మాజీ ముఖ్యమంత్రి పన్నీర్ సెల్వంతో రజినీ సమావేశం అయ్యారు. జైలర్ సినిమా తరువాత తలైవా బీజేపీ పెద్దలతో బాగా టచ్లోకి వెళ్లినట్లు తెలుస్తోంది. ఈ క్రమంలోనే కేంద్రం త్వరలోనే రజినీకాంత్కు గవర్నర్ పదవి కట్టబెడుతుందనే వార్తలు నిపిస్తున్నాయి.
ఈ విషయంపైనే తాజాగా రజినీకాంత్ సోదరుడు స‌త్య‌నారాయ‌ణ రావు మాట్లాడుతూ.." మా సోదరుడు రాజకీయాల్లోకి రారు. ఒకవేళ వస్తే అందరం ఆనందిస్తాం. నిజానికి రజినీకాంత్కు రాజకీయాల్లోకి వచ్చి ప్రజలకు సేవ చేయడం అంటే ఇష్టం. గవర్నర్ పదవి అనేది భగవంతుడి చేతుల్లో ఉంది. రజినీకాంత్కు గవర్నర్ పదవి వస్తే మంచిదే కదా " అంటూ ఆయన తెలిపారు. ఈ వ్యాఖ్యలతో ఇక రజినీకాంత్కు గవర్నర్ పదవి ఖాయమంటూ ప్రచారం జోరుగా సాగుతోంది. ఫ్యాన్స్ కూడా రజినీకాంత్కు గవర్నర్ పదవి రావాలంటూ ఆశిస్తున్నారు. నిజానికి గవర్నర్ పదవి రజినీకాంత్కు ఇచ్చే ఆలోచనలో మోదీ కేంద్రం ఉందా? ఒకవేళ ఇచ్చినా తలైవా ఈ పదవిని స్వీకరిస్తారో లేదో అన్నది వేచి చూడాల్సిందే.
