Ram Charan New Movie :మెగా హీరో షాకింగ్ అప్డేట్
మెగా ఫ్యాన్స్.. గెట్ రెడీ.. మీరు ఊహించని అప్డేట్ వస్తోంది. నిజానికి ఈ కోణంలో ఎవరూ ఆలోచించడం కూడా లేదు కూడా. అయినా సడెన్ సర్ ప్రైజ్ అనుకున్నారో లేక.. ఇంకా ఆలస్యం చేస్తే అసలుకే మోసం వస్తుందనుకున్నారో కానీ.. అస్సలే మాత్రం సందడి లేని సినిమాను ఒక్కసారిగా లైమ్ లైట్ లోకి తీసుకురావాలనుకున్నారో కానీ ఈ దసరాకు అదిరిపోయే పాటతో రాబోతున్నారు. యస్.. మెగా హీరో సినిమా నుంచి ఈ ఫస్ట్ లిరికల్ సాంగ్ రాబోతోంది.
మెగా హీరోల సినిమాలు అంటే ఫ్యాన్స్ లో కనిపించే ఉత్సాహం ఏ రేంజ్ లో ఉంటుందో వేరే చెప్పక్కర్లేదు. మెగాస్టార్ నుంచి మొదలుపెడితే వైష్ణవ్ తేజ్ వరకూ వాళ్లంతా ఒకేలా కష్టపడతారు పాపం. అయితే ఈ యేడాది వాల్తేర్ వీరయ్య, విరూపాక్ష తప్ప మెగా మూవీస్ అన్నీ నిరాశపరిచాయి. బ్రో, భోళా శంకర్, గాండీవధారి అర్జున డిజాస్టర్స్ గా నిలిచాయి. అయితే ఈ సమ్మర్ లో వచ్చి బాక్సాఫీస్ రికార్డులను సరి చేస్తుందనుకున్న గేమ్ ఛేంజర్ మాత్రం ఊసులో లేకుండా పోయింది. శంకర్ డైరెక్ట్ చేస్తున్నాడు కాబట్టి.. ఆర్ఆర్ఆర్ తర్వాత రామ్ చరణ్ కు మరోసారి గ్లోబల్ రేంజ్ లో తిరుగులేని క్రేజ్ వస్తుందని భావించారు. బట్ అతను భారతీయుడు2 కే టైమ్ అంతా కేటాయించాడు. దీంతో ఈ మూవీ షూటింగ్ ఆగిపోయింది. ఎప్పుడో ఒక షెడ్యూల్ తో నత్తనడకన షూటింగ్ జరుగుతోంది. ప్రస్తుతం ఒక షెడ్యూల్ జరుగుతోంది. ఈ మూవీ గురించి చాలా వరకూ ఎదురుచూసిన అభిమానులు అప్డేట్స్ గురించి కూడా అడగడం మానేశారు. వచ్చినప్పుడు చూద్దాంలే అనేంత ఉదాశీనంగా మారిపోయారు. అంతలా చిరాకు పెట్టాడు శంకర్. బట్ సర్ ప్రైజింగ్ గా గేమ్ ఛేంజర్ నుంచి దసరా సందర్భంగా ఫస్ట్ లిరికల్ సాంగ్ వస్తోందనే వార్తలు వస్తున్నాయి.
శంకర్ సినిమాకు ఫస్ట్ టైమ్ థమన్ సంగీతం చేస్తున్నాడు. ఇది తనకు ఓ వరం అని అతను ఫీలయ్యాడు. ఆ వరాన్ని ఎలా నిలబెట్టుకుంటాడా అనేది ఈ ఫస్ట్ లిరికల్ సాంగ్ తెలియజేస్తుంది. నిజానికి ఈ ట్యూన్ ఎప్పుడో రెడీ అయిందట. పాట కూడా సిద్ధం చేశారు. అయితే సరైన టైమ్ కోసం చూస్తున్నారు. అది దసరా రూపంలో వచ్చింది. ఇప్పుడు పాట విడుదల చేస్తే ఫ్యాన్స్ లో కూడా మళ్లీ కొత్త ఉత్సాహం మొదలవుతుంది. గేమ్ ఛేంజర్ అప్డేట్స్ కోసం చూస్తారు అనే దసరాకు సాంగ్ రిలీజ్ చేయబోతున్నారు. అన్నట్టు ఇది డ్యూయొట్ అంటున్నారు. అంటే చరణ్ తో పాటు కియారా కూడా ఉంటుందన్నమాట. మొత్తంగా మెగా ఫ్యాన్స్ కు ఇది సర్ ప్రైజింగ్ అప్డేట్ అనే చెప్పాలి.
