నరేష్ మళ్లీ పెళ్లికి అమెజాన్ షాక్

నరేష్, పవిత్ర లోకేష్ల మళ్లీ పెళ్లి మూవీ స్ట్రీమింగ్ను అమెజాన్ ఆపేసింది. ఇవాళ్టి నుంచి ఈ మూవీ అమెజాన్, ఆహాలో స్ట్రీమింగ్ కావాల్సివుంది. అయితే నరేశ్ మాజీ భార్య రమ్య రఘుపతి లీగల్ నోటీసులు పంపించడంతో అమెజాన్ ఈ నిర్ణయం తీసుకుంది. నరేశ్ తన మూడో భార్య రమ్య రఘుపతి నుంచి విడిపోయి, ప్రస్తుతం నటి పవిత్ర లోకేష్తో రిలేషన్లో ఉన్నారు.

నరేష్ తన వ్యక్తిగత జీవితానికి సంబంధించిన విషయాలతో మళ్లీ పెళ్లి పేరుతో తెరకెక్కించారు. అయితే ఈ సినిమాలో తనను విలన్గా చూపించారని రమ్య రఘుపతి కోర్టుకెక్కారు. తాజాగా ఈ మూవీ ఓటీటీలోకి వచ్చేందుకు సిద్ధమవడంతో ఆమె అమెజాన్ తో పాటు ఆహా సంస్థలకు లీగల్ నోటీసులు పంపింది. నోటీసుల నేపథ్యంలో అమెజాన్ స్ట్రీమింగ్ ను ఆపేసింది. అయితు ఆహాలో మాత్రం స్ట్రీమింగ్ అవుతున్నట్లు తెలుస్తోంది. ప్రేక్షకులు అమెజాన్ లో మిస్ అయిన ఈ మూవీని ఆహాలో చూడొచ్చన్నమాట.

సీనియర్ డైరెక్టర్ ఎం.ఎస్. రాజు డైరెక్షన్‎ వహించిన మళ్లీ పెళ్లి సినిమా మే 26న థియేటర్లలో తెలుగు, కన్నడ భాషల్లో విడుదలైంది. సినిమా ప్రమోషన్‎‎ను వినూత్నంగా చేసి నరేష్ పవిత్రలు సోషల్ మీడియాలో అందరి దృష్టిని ఆకర్షించారు. ఇద్దరూ కలిసి నటించిన సినిమా కావడంతో వారి బంధం, పెళ్లి గురించి అనేక సంచలన వ్యాఖ్యలు చేసి ట్రోల్ కూడా అయ్యారు.