రవితేజ ఫ్యాన్స్‌కు నిరాశ.. ఈగల్ వాయిదా
సంక్రాంతి బరిలో నుండి రవితేజ సినిమా ఈగల్ తప్పుకుంది. ఈ సినిమాను జనవరి 26కి వాయిదా వేశారు. ఈగల్ వాయిదా పడడంతో రవితేజ ఫ్యాన్స్ తీవ్ర నిరాశకు గురయ్యారు. సంక్రాంతి బరిలో ఐదు సినిమాలు ఉండడం, థియేటర్స్ పరంగా ఇబ్బందులు ఎదురవుతుండటంతో ఈగల్ పండుగ రేసు నుంచి తప్పుకుంది. పోటీ మధ్య సినిమాను రిలీజ్ చేస్తే కలెక్షన్స్ పరంగా నష్టం జరిగే అవకాశం కూడా ఉండటంతో మేకర్స్ ఈ నిర్ణయం తీసుకున్నారు. ఈ సినిమాకు కేటాయించిన థియేటర్స్ను నాగార్జున నా సామి రంగా చిత్రానికి కేటాయించారు. జనవరి 26 తర్వాత పెద్ద సినిమాలు పోటీలో లేకపోవడంతో అప్పుడే సినిమాను రీలిజ్ చేయాలని మేకర్స్ భావిస్తున్నారు. దీంతో సంక్రాంతికి మహేష్ బాబు గుంటూరు కారం, వెంకటేష్ సైంధవ్, నాగార్జున నా సామిరంగ, హనుమాన్ సినిమాలు రిలీజ్ కాబోతున్నాయి. సంక్రాంతికి గతంలో రవితేజ నటించిన 3 సినిమాలు రీలిజ్ అయ్యాయి. గతేడాది చిరంజీవితో కలిసి నటించిన వాల్తేర్ వీరయ్య మంచి విజయాన్ని అందుకోగా.. రవితేజ సోలో హీరోగా వచ్చిన రావణాసుర, టైగర్ నాగేశ్వరరావు ఫ్లాప్గా నిలిచాయి.
