పవన్ కంటే బర్రెలక్క చాలా బెటర్... ఆర్జీవీ సటైర్

జనసేన నేత పవన్ కల్యాణ్‌పై నిత్యం కారాలూ మిరియాలూ నూరే దర్శకుడు రామ్ గోపాల్ వర్మ మరో వ్యంగ్యాస్త్రం సంధించారు. కొల్లాపూర్ నుంచి పోటీచేస్తున్న కర్నె శిరీష్ అలియాస్ బర్రెలక్కతో వవర్ స్టార్ పోలుస్తూ సోషల్ మీడియాలో పోస్ట్ పెట్టారు. పవన్ తెలంగాణలో చేస్తున్న ఎన్నికల ప్రచారం పేలవంగా ఉందని, ఆయనతో పోలిస్తే బర్రెలక్క చేస్తున్న ప్రచారం ఎంతో బావుందని ఆర్జీవీ మెచ్చుకున్నారు. పవన్ తాండూరులో జనసేన పార్టీ అభ్యర్థి నేమూరి శంకర్ గౌడ్‌కు మద్దతుగా చేసిన ప్రసంగం వీడియోను కూడా పోస్ట్ చేశారు.

Never seen a more disinterested and more careless campaign more than @PawanKalyan ‘s in telangana😳 Neither him nor the organisers seem to bother even about the Mike sound from which he is speaking … Compared to him Barrelakka’s is far better https://t.co/YupPwSfnRt

— Ram Gopal Varma (@RGVzoomin) November 25, 2023

‘ఇంత పేలవమైన, నిర్లక్ష్యపూరిత ప్రసంగాన్ని ఎన్నడూ చూడలేదు. అతడు కానీ, నిర్వాహకులు కానీ కనీసం మైక్ సౌండ్ గురించి కూడా పట్టించుకోలేదు. పవన్‌తో పోలిస్తే బర్రెలక్క చాలా మెరుగు’ అని రాశారు. బర్రెలక్క ఎన్నికల ప్రచారంలో చక్కని వాగ్ధాటితో ఆకట్టుకునేలా ప్రసంగిస్తూ వేలమంది మద్దతు పొందుతున్న సంగతి తెలిసిందే. ఆర్జీవీ ఆమెతో పవన్‌ను పోలుస్తూ విమర్శించడంపై ఎప్పట్లాగే పవన్ అభిమానులు మండిపడుతున్నారు. కేవలం ఒక్క ప్రసంగం చూసి తమ నాయకుడిని తీసేయడం సబబుకాదని, ఆర్జీవీకి దమ్ముంటే పవన్‌లా లక్షల మందుకొచ్చి మాట్లాడాలని సవాల్ విసురుతున్నారు.