సంచలనం సృష్టిస్తున్న ఆర్జీవీ వ్యూహం టీజర్..!

వివాదాస్పద దర్శకుడు ఆర్జీవీ మరో సంచలనానికి తెరలేపాడు. ఏపీ ఎన్నికల ముందు పొలిటికల్ సినిమాలపై ప్రకటన చేసి మరోసారి అందరి దృష్టి తనవైపు తిప్పుకున్నాడు. వైఎస్ మరణం తర్వాత రాష్ట్ర రాజకీయ పరిణామాలను రెండు భాగాలుగా తెరకెక్కిస్తున్నట్టు ఆర్జీవీ ఇటీవల ప్రకటించాడు. వీటిలో ముందుగా ‘వ్యూహం’ సినిమాను ప్రేక్షకుల ముందుకు తీసుకురానున్నట్లు చెప్పిన సంగతి తెలిసిందే. తాజాగా వ్యూహం టీజర్‌ను రిలీజ్‌ చేశారు వర్మ.

దివంగత ముఖ్యమంత్రి వైఎస్‌ రాజశేఖర్‌ రెడ్డి హెలికాప్టర్‌ ప్రమాదంతో టీజర్‌ ప్రారంభం అవుతుంది. వైఎస్ మరణం అనంతరం జగన్ ఎదుర్కొన్న సీబీఐ కేసులు వంటి అంశాలు టీజర్‎లో కనిపించాయి. వైఎస్ భారతి, చంద్రబాబు వంటి వారి పాత్రలను చూపెట్టాడు. టీజర్ మొత్తం ఒకే ఒక్క డైలాగ్ ఉండగా అది చంద్రబాబును ఉద్దేశించి జగన్ పాత్రధారి చెప్పినది కావడం విశేషం.‘అలా ఆలోచించడానికి చంద్రబాబును కాదు’ అని జగన్ పాత్రధారి చెప్పారు. ప్రస్తుతం ఈ టీజర్ ఏపీ రాజకీయాల్లో చర్చనీయాంశమైంది. కింద ఉన్న టీజర్‌పై మీరు ఓ లుక్కేయండి.